[ad_1]
( प्रगत भारत । pragatbharat.com)
पृथ्वीला या आयपीएलमध्ये स्वत: ला पुन्हा सिद्ध करायची चांगली संधी होती. पण त्यामध्ये तो अपयशी ठरला. या आयपीएलपूर्वी पृथ्वीचा एका हॉटेलमध्ये जोरदार राडा झाला होता. त्याचता परीणाम त्याच्या खेळावर झाल्याचे पाहायला मिळाले. पण आयपीएलमध्ये अपयशी ठरल्यावर त्याला भारतीय संघात स्थान मिळवता आले नाही. त्यानंतर घावरी यांनी पृथ्वीवर कडक शब्दांत टीका केली आहे.
घावरी यांनी म्हटले की, ” पृथ्वीला वाटते की आपण एक स्टार आहोत. आपल्याला कोणीही हात लावू शकत नाही किंवा धक्का देऊ शकत नाही. पण तसे मात्र अजिबात नाही. कारण तुम्ही कोणताही सामना खेळा तो वनडे, टी-२० किंवा कसोटी असू दे. कोणत्याही सामन्यात बाद होण्यासाठी तुम्हाला फक्त एकच चेंडू पुरेसा असतो. जर तुम्हाला मोठा खेळाडू व्हायचे असेल तर त्यासाठी शिस्त आणि मेहनत या दोन्ही गोष्टी महत्वाच्या आहेत. त्याचबरोबर एक व्यक्ती म्हणून तुमचा स्वभावही चांगला असायला हवा. एक फलंदाज म्हणून तुम्हाला यशस्वी व्हायचे असेल तर खेळपट्टीवर जास्त काळ राहणे गरजेचे असते. तुम्ही जेवढा वेळ खेळपट्टीवर राहाल तेवढ्या तुमच्या धावा होऊ शकतात. पण त्यासाठी मेहनत गरजेची असते. कोणताही खेळाडू असाच स्टार होत नसतो, त्यामागे प्रचंड मेहनत आणि शिस्त असते. ही गोष्ट पृथ्वीने प्रथम समजून घेणे महत्वाचे आहे.”
पृथ्वीच्या नेतृत्वाखाली भारताने १९ वर्षांखालील विश्वचषक जिंकला होता. त्यानंतर पृथ्वीला भारतीय संघातही स्थान देण्यात आले. पण हे स्थान त्याला टिकवता आले नाही. सध्याच्या घडीला पृथ्वीने कितीही चांगली कामगिरी केली तरी त्याला भारतीय संघात स्थान मिळत नसल्याचे पाहायला मिळत आहे.
[ad_2]
