[ad_1]
( प्रगत भारत । pragatbharat.com)
जागतिक क्रमवारीत २८ वर्षीय ओन्स सहाव्या, तर २४ वर्षीय मार्केता ४२व्या क्रमांकावर आहे. यापूर्वी, या दोघी सहा वेळा आमनेसामने आल्या होत्या. त्यात दोघींनी प्रत्येकी तीन वेळा बाजी मारली होती. या वर्षी झालेल्या दोन्ही लढतींत मार्केताने विजय नोंदवले होते. साहजिकच तशाच कामगिरीसाठी मार्केता उत्सुक होता. पहिल्या सेटमध्ये ओन्सने चांगली सुरुवात केली. तिने दुसऱ्याच गेममध्ये मार्केताची सर्व्हिस भेदली. मात्र, त्यानंतर तिसऱ्या गेममध्ये ओन्सला सर्व्हिस राखता आली नाही. चौथी गेमही काळजाचा ठोका चुकवणारी ठरली. या गेममध्ये ओन्सने चार ब्रेक पॉइंट मिळवले. मात्र, हे चारही पॉइंट वाचवून मार्केताने सर्व्हिस राखली आणि २-२ अशी बरोबरी साधली. त्यानंतर सलग दोन गेम जिंकून ओन्सने ४-२ अशी आघाडी घेतली होती. त्यानंतर मार्केताने सलग चार गेम जिंकून पहिल्या सेटमध्ये बाजी मारली. त्यानंतर तिचे मनोबल कमालीचे उंचावलेले दिसले.
ओपन एरामध्ये (१९६८नंतर) विम्बल्डन स्पर्धेतील महिला एकेरीचे जेतेपद पटकावणारी मार्केता व्हाँड्रोसोव्हा पहिलीच बिगरमानांकित खेळाडू ठरली. १९६३नंतर ‘विम्बल्डन’चे जेतेपद पटकावणारी मार्केता पहिलीच बिगरमानांकित खेळाडू ठरली. १९६३मध्ये बिली जिन किंग यांनी अशी कामगिरी केली होती. मार्केताने अमेरिकेच्या व्हिनस विल्यम्सला मागे टाकले. २००७मध्ये क्रमवारीत ३१व्या स्थानी असताना व्हिनसने विम्बल्डनचे जेतेपद पटकावले होते. क्रमवारीत त्याहून खालच्या स्थानावर (४२) असताना आता मार्केताने जेतेपद पटकावले. २०२१मध्ये एमा राडूकानूने अमेरिकन ओपन जिंकली होती. त्यानंतर ग्रँड स्लॅम जिंकणारी मार्केता पहिलीच बिगरमानांकित खेळाडू ठरली. मार्केता आता याना नोव्हात्ना आणि पेट्रो क्विटोवा यांच्या पंक्तीत आली. यापूर्वी, चेक प्रजासत्ताककडून याना नोव्हात्ना (१९९८) आणि क्विटोवा (२०११, २०१४) यांनी विम्बल्डन स्पर्धा जिंकली होती.
[ad_2]
