[ad_1]
( प्रगत भारत । pragatbharat.com)
रोहित शर्माने अवघ्या ३५ चेंडूत आपले अर्धशतक पूर्ण केले. त्याच्या कसोटी कारकिर्दीतील हे सर्वात जलद अर्धशतक आहे. याआधी रोहितने २०२१ मध्ये इंग्लंडविरुद्ध चेन्नई कसोटीत ४७ चेंडूत अर्धशतक पूर्ण केले होते. आता रोहितने तो विक्रम मोडीत काढला आहे.
रोहितच्या नावे विश्वविक्रम
रोहित शर्माने या खेळीत विश्वविक्रमही केला. १० धावांचा टप्पा गाठताच रोहितने हा विश्वविक्रम आपल्या नावावर केला. रोहितने सलग ३०व्या डावात कसोटीतील दुहेरी आकडा गाठला आहे. आतापर्यंत कोणत्याही फलंदाजाला ही कामगिरी करता आली नव्हती. आतापर्यंत महेला जयवर्धनेच्या नावावर हा विक्रम होता. त्याने सलग २९ डावात १० किंवा त्याहून अधिक धावा केल्या होत्या.
रोहित शर्मा हा कसोटीत सर्वोत्तम सरासरी असलेला भारतीय सलामीवीर आहे. त्याची सलामीची सरासरी ५३.५४ आहे. दुसऱ्या महायुद्धानंतरचे क्रिकेट जगतातील आकडे पहिले तर १४६ सलामीवीरांनी १००० हून अधिक धावा केल्या आहेत. त्यात रोहितची सरासरी पाचव्या क्रमांकावर आहे. रोहित शर्मा आणि यशस्वी जयस्वाल यांनी या कसोटी मालिकेत सलामीची भागीदारी म्हणून ४६६ धावा केल्या. दोन सामन्यांच्या मालिकेत भारतीय सलामीच्या भागीदारीतील या सर्वाधिक धावा आहेत. जगात फक्त दोन वेळा एका जोडीने दोन सामन्यांच्या मालिकेत जास्त धावा केल्या आहेत.
[ad_2]