[ad_1]
( प्रगत भारत । pragatbharat.com)
हार्दिक पांड्याला का राग आला?
हार्दिक पांड्याने सामन्यानंतर सांगितले की, “जेव्हा आम्ही गेल्या वेळेस वेस्ट इंडिज दौऱ्यावर आलो होतो तेव्हा व्यवस्था अधिक चांगली करता आली असती. पण त्यावेळीही त्रास झाला आणि यावेळीही तोच त्रास झाला आहे. वेस्ट इंडिज बोर्डाने याची काळजी घ्यावी. पांड्या म्हणाला की, आम्हाला कुठलीही लक्झरी ट्रीटमेंट नको आहे पण मूलभूत सुविधा असायलाच हव्यात.” या दौऱ्यावर टीम इंडियाला प्रवासादरम्यान थोडा त्रास सहन झाल्याचे वृत्तही कानावर आले होते. कदाचित याच मुद्द्यावरून हार्दिकने सामन्यानंतर हे सर्वांसमोर मांडले असावे.
वेस्ट इंडिजच्या बोर्डात गोंधळाचे वातावरण?
वेस्ट इंडिज बोर्डाच्या अव्यवस्थेमुळे केवळ मैदानच नाही तर क्रिकेटचा दर्जाही घसरला आहे. या गोंधळामुळे त्यांचे अव्वल खेळाडू त्यांच्याच संघासोबत खेळण्याऐवजी विविध टी-२० लीग खेळत आहेत आणि या गदारोळामुळेच हार्दिक पांड्याने हे प्रकरण सार्वजनिक व्यासपीठावर मांडले. वेस्ट इंडिज बोर्डात सर्वकाही अलबेल नसल्याचे यावरून दिसत आहे; असे आपण म्हणू शकतो.
भारतीय संघाच्या फलंदाजीने चमकदार कामगिरी केली. किशन आणि गिल या सलामीच्या जोडीने १४३ धावांची भर घातली. किशनने ७७ आणि गिलने ८५ धावा केल्या. याशिवाय संजू सॅमसनची बॅटही चांगलीच तळपली, त्याने झटपट ५१ धावा केल्या. कर्णधार हार्दिक पंड्याने ५२ चेंडूत ७० धावांची खेळी केली. गोलंदाजीत शार्दुल ठाकूरने ४ आणि मुकेश कुमारने ३ विकेट घेतले.
[ad_2]
