BCCI will Plant 500 trees for Every Dot Ball in IPL 2023 Playoffs; पहिल्या क्वालिफायरमध्ये डॉट बॉल्सऐवजी झाडे का दिसली? BCCI चा भन्नाट उपक्रम

[ad_1]

( प्रगत भारत । pragatbharat.com)

नवी दिल्ली : आयपीएल २०२३च्या प्ले ऑफला सुरुवात झाली असून पहिला सामना चेन्नईच्या चेपॉक स्टेडियमवर चेन्नई सुपर किंग्ज आणि गुजरात टायटन्स (GT vs CSK) यांच्यात खेळला गेला. पण या सामन्यात प्रेक्षकांना स्कोअर बोर्डवर वेगळाच कहीतरी दिसत होती आणि सगळे एकच विचारात पडले. आधी लोकांना वाटलं की चुकून काहीतरी होत आहे. पण हा बदल चुकून नव्हता. या पहिल्या क्वालिफायर सामन्यात डॉट बॉलच्या जागी झाडे दिसत होती. सगळेच यावर चर्चा करू लागले होते. झाडे दाखवण्याचा नेमका काय अर्थ आहे, चला जाणून घेऊया.या क्वालिफायर सामन्यासाठी BCCI ने प्लेऑफबाबत मोठा निर्णय घेतला आहे. प्लेऑफ दरम्यान टाकलेल्या प्रत्येक डॉट बॉलसाठी ५०० झाडे लावली जातील, असा हा उपक्रम आहे. मंडळाचा हा एक उत्तम उपक्रम आहे आणि यामुळे जगभरातील लोकांमध्ये जागृतीही होईल.

क्वालिफायर-१ मध्ये ८४ डॉट बॉल

गुजरात टायटन्स आणि चेन्नई सुपर किंग्ज विरुद्धच्या सामन्यात गोलंदाजांनी एकूण ८४ डॉट बॉल टाकले. आता BCCI एकूण ४२,००० झाडे लावणार आहे. चेन्नई सुपर किंग्जच्या रवींद्र जडेजाने सामन्यात सर्वाधिक १२ डॉट बॉल टाकले. तर तुषार देशपांडेचे ११ चेंडू डॉट होते.

चेन्नई अंतिम सामन्यात धडकली

ऋतुराज गायकवाडच्या अर्धशतकी खेळीनंतर गोलंदाजांच्या चमकदार कामगिरीच्या जोरावर चेन्नई सुपर किंग्जने मंगळवारी इंडियन प्रीमियर लीगच्या पहिल्या क्वालिफायरमध्ये गतविजेत्या गुजरात टायटन्सचा १५ धावांनी पराभव करून पाचव्यांदा विजेतेपदाच्या दिशेने वाटचाल केली. गायकवाडच्या ४४ चेंडूतील ६० धावांच्या खेळीच्या जोरावर चेन्नईने शेवटच्या चेंडूवर गुजरात टायटन्सचा १५७ धावांचा डाव समाविष्ट करून सात विकेट्सवर १७२ धावा केल्या आणि १०व्यांदा अंतिम फेरीचे तिकीट मिळवले.

अंबानींनी अख्खी पर्स रिकामी केली, पोलार्डची कसर भरुन काढली आणि चेन्नईलाही जशास तसं उत्तर दिलं

गुजरात संघ आता दुसऱ्या क्वालिफायरमध्ये बुधवारी खेळल्या जाणाऱ्या लखनौ सुपरजायंट्स आणि मुंबई इंडियन्स यांच्यातील एलिमिनेटर सामन्यातील विजेत्याशी भिडणार आहे. गुजरात टायटन्सकडून शुभमन गिलने सर्वाधिक ४२ धावांचे योगदान दिले. रशीद खानने शेवटच्या षटकात १६ चेंडूत ३ चौकार आणि २ षटकारांच्या मदतीने ३० धावांची खेळी करत सामन्याचा उत्साह वाढवला पण तो संघासाठी अपुरा ठरला.

[ad_2]