[ad_1]
( प्रगत भारत । pragatbharat.com)
आशिया चषकाचा संघ निवडल्यावर रोहित आणि निवड समिती अध्यक्ष अजित आगरकर यांनी एक पत्रकार परिषद घेतली होती. त्यावेळ रोहित आणि आगरकर यांचा एक निर्णय बहुतांशी लोकांना आवडला नव्हता. त्यामुळे त्या निर्णयावर जोरदार टीका झाली होती. पण तो निर्णय आता एक मोठी चूक ठरल्याचे समोर आले आहे. त्यामुळे आता रोहितवर नामुष्कीची वेळ येऊ शकते.
आशिया चषकासाठी फिट नसतानाही लोकेश राहुलला भारतीय संघात स्थान देण्यात आले होते. जर राहुल फिट नाही तर त्याला भारतीय संघात स्थान का दिले, असा प्रश्न विचारला गेला होता. त्यावर अजित आगरकर यांनी राहुलची दुखापत ही गंभीर नाही आणि तो लवकरच खेळेल, असे म्हटले होते. पण मंगळवारी भारताचे प्रशिक्षक राहुल द्रविड यांनी स्पष्टपणे सांगितले की, राहुल हा अजून फिट झालेला नाही. त्यामुळे आशिया चषकातील पहिल्या दोन सामन्यांमध्ये तो खेळणार नाही. त्यानुसार राहुल आता पाकिस्तान आणि नेपाळ या दोन्ही सामन्यांमध्ये खेळणार नाही. त्यामुळे निवड समितीच्या या एका चुकीमुळे संघातील वातावरण बिघडू शकते. त्याचबरोबर आता या चुकीमुळे नामुष्कीची वेळ रोहितवर येऊ शकते. कारण पहिल्या सामन्यापूर्वी कर्णधाराची पत्रकार परिषद होत असते. त्यावेळी रोहितला या एका गोष्टीवरून नक्कीच टार्गेट केले जाईल. फिट नसतानाही राहुल संघात कसा, असा प्रश्न रोहितला विचारला जाईल आणि निवड समितीने केलेल्या चुकीवर आता रोहितला पांघरून टाकावे लागेल. त्यामुळे एक कर्णधार म्हणून रोहितवर ही नामुष्कीची वेळ येणार आहे. त्यामुळे रोहित या गोष्टीचा कसा सामना करतो, याकडे सर्वांचे लक्ष लागलेले असेल.
राहुल हा अजूनही फिट नाही. त्यालवा फलंदाजी केल्यावर धावता येत नाही, हे पाहायला मिळाले होते. त्यामुळे राहुलची संघात निवड कोणत्या गोष्टीच्या ाधारावर केली, या गोष्टीचे उत्तर निवड समितीला नक्कीच द्यावे लागेल. त्यामुळे आता निनड समिती याबाबत नेमकं काय मत मांडते, हे महत्वाचे असेल. पण जर निवड समितीने काही सांगितले नाही, तर रोहित शर्माला या प्रश्नाचे उत्तर द्यावे लागेल.
[ad_2]
