[ad_1]
( प्रगत भारत । pragatbharat.com)
अंतिम लढतीपूर्वी ओव्हल मैदानावर सुरु असलेल्या या सरावात सगळ्याच खेळाडूंनी कसून सराव केला. टीम इंडियाचा युवा यष्टिरक्षक फलंदाज इशान किशननेही जोरदार फलंदाजी केली. मात्र, सरावाच्या वेळी त्याला दुखापत झाली. या पहिल्या सराव सत्रादरम्यान फलंदाजी करताना ईशान किशन जखमी झाला. त्याच्या उजव्या हाताला दुखापत झाली आहे. चेंडू थेट किशनच्या हातावर लागला. त्याला काही काळ वेदनाही होत होत्या. किशन जखमी होऊन बाहेर पडेल असे वाटत होते. पण असे झाले नाही. यानंतर इशान किशन उजव्या हातावर पट्टी बांधून पुन्हा खेळताना दिसला.
कोणाला मिळणार संधी
वर्ल्ड टेस्ट चॅम्पियनशिप २०२३ च्या अंतिम सामन्यासाठी भारतीय संघाने केएस भरत आणि इशान किशन या दोन यष्टीरक्षकांची निवड केली आहे. दोन्ही खेळाडू जबरदस्त आहेत. दोघांपैकी अंतिम सामन्यात नेमकं कोण खेळणार हे सांगणे कठीण आहे. कारण दोन्ही खेळाडू आपापल्या जागी अगदी शानदार आहेत. अशा परिस्थितीत काही दिग्गज खेळाडू ईशान किशनला साथ देत आहेत. मात्र भरतला खेळवण्याची अधिक शक्यता आहे. वर्षाच्या सुरुवातीला ऑस्ट्रेलियाविरुद्धच्या ४ सामन्यांच्या कसोटी मालिकेतही त्याने विकेट राखली होती.
भारतीय संघ: रोहित शर्मा (कर्णधार), रविचंद्रन अश्विन, केएस भरत, शुभमन गिल, रवींद्र जडेजा, विराट कोहली, इशान किशन, चेतेश्वर पुजारा, अक्षर पटेल, अजिंक्य रहाणे, मोहम्मद शमी, मोहम्मद सिराज, शार्दुल ठाकूर, जयदेव उनाडकट, उमेश यादव.
राखीव: यशस्वी जैस्वाल, मुकेश कुमार, सूर्यकुमार यादव.
[ad_2]
