[ad_1]
( प्रगत भारत । pragatbharat.com) 
मुंबई शहरातील जीर्ण इमारतींची दुरुस्ती करणे गरजेचे आहे. इमारतीच्या दुरुस्तीसाठी पैशांची गरज आहे. या इमारतींसाठी निधीची तरतूद करण्याबाबत मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याशी चर्चा करून मार्ग काढला जाईल, असे उपमुख्यमंत्री तथा अर्थमंत्री अजित पवार यांनी विधानसभेत प्रश्नोत्तराच्या वेळी सांगितले.
ऑपेरा हाऊसमधील मेहता महाल इमारतीबाबत सदस्य मंगेश कुडाळकर यांनी प्रश्न उपस्थित केला. या प्रश्नावरील चर्चेदरम्यान सदस्य रवींद्र वायकर, योगेश सागर, अजय चौधरी, मिहीर कोटेचा, अमित देशमुख, वर्षा गायकवाड यांनीही उपप्रश्न उपस्थित केले.
याबाबत माहिती देताना उद्योगमंत्री उदय सामंत म्हणाले की, मुंबईतील इमारतींच्या स्थितीनुसार सी-1, सी-2, सी-3 अशा श्रेणी तयार करण्यात आल्या आहेत. सी-1 श्रेणी धोकादायक इमारतींसाठी आहे. या श्रेणीत मुंबई शहरात 210 इमारती आहेत. मोडकळीस आलेल्या इमारतींबाबत तांत्रिक सल्लागार समिती आहे.
उच्च न्यायालयाच्या निर्देशानुसार ही समिती स्थापन करण्यात आली आहे. या समितीमध्ये या क्षेत्रातील तज्ज्ञांचा समावेश करण्यात येणार आहे.
मुंबईतील इमारती सी-१ श्रेणीत कशा घेतल्या, याचीही चौकशी केली जाणार आहे. या प्रश्नावरील चर्चेदरम्यान विधानसभा अध्यक्ष एड. राहुल नार्वेकर यांनी तांत्रिक सल्लागार समितीत सुधारणा करून जीर्ण इमारतींच्या दुरुस्तीसाठी निधी उपलब्ध करून देण्याची सूचना केली.
हेही वाचा
रस्त्यांच्या कामांची माहिती आता ऑनलाइन मिळणार!
[ad_2]
