[ad_1]
( प्रगत भारत । pragatbharat.com)
कर्णधार रोहित शर्माचा निर्णय चुकीचा ठरला हे ऑस्ट्रेलियाचा धडाकेबाज फलंदाज ट्रेविस हेडने दाखवून दिले. हेडने भारतीय गोलंदाजांची बेदम धुलाई केली. ऑस्ट्रेलियाच्या या मधळ्या फळीतील फलंदाजाने पहिल्याच दिवशी दमदार शतक झळकावले. पहिल्या दिवसाचा खेळ संपला तेव्हा त्याने १५६ चेंडूत ९३च्या स्ट्राइक रेटने १४६ धावा केल्या आहेत. यात २२ चौकार आणि १ षटकाराचा समावेश आहे. वर्ल्ड टेस्ट चॅम्पियनशिपच्या फायनलमध्ये शतक झळकावणारा तो पहिला फलंदाज ठरला आहे.
वर्ल्ड कप: कोणत्याही परिस्थितीत भारताविरुद्ध अहमदाबादला खेळणार नाही; पाक बोर्डाने ICCला कळवले
भारतीय गोलंदाजांमध्ये मोहम्मद शमी आणि मोहम्मद सिराज यांच्याकडून अंतिम सामन्यात फार अपेक्षा होत्या. दोघांनी नुकत्याच झालेल्या आयपीएलमध्ये दमदार कामगिरी केली होती. WTC फायनलमध्ये शमी आणि सिराज यांनी चांगली सुरुवात केली. पण जेव्हा डेड पिचवर आला तेव्हा या दोघांची कामगिरी खराब झाली. हेडने भारताच्या या दोन्ही गोलंदाजांविरुद्ध सहज धावा केल्या. हेडच्या समोर संपूर्ण भारतीय गोलंदाज हतबल दिसत होते. आता दुसऱ्या दिवशी हेड काय करतोय याची सर्वांना उत्सुकता आहे.
आयपीएलमध्ये कोणी किमत दिली नाही
ऑस्ट्रेलियाच्या या स्टार फलंदाजाने आयपीएल २०२३च्या लिलावात २ कोटी बेस प्राइससह नाव नोंदवले होते. मात्र एकाही संघाने त्याला लिलावात भाव दिला नाही. त्यामुळे तो अनसोल्ड राहिला. हेड फलंदाजीसोबत फिरकी गोलंदाजी देखील करू शकतो. या वर्षी त्याला आयपीएलमध्ये कोणी घेतले नसले तरी त्याने IPLमध्ये १० मॅच खेळल्या आहेत. यात २९च्या सरासरीने १ अर्धशतकासह २०५ धावा त्याच्या नावावर आहेत. सध्याचा त्याचा फॉर्म पाहता पुढील वर्षी लिलावात हेडवर मोठी बोली लागू शकते.
[ad_2]
