[ad_1]
( प्रगत भारत । pragatbharat.com)
Sara Tendulkar : महान क्रिकेटपटू सचिन तेंडुलकरची मुलगी सारा तेंडुलकर आणि भारताचा युवा सलामीवीर शुभमन गिल यांच्यातील अफेअरच्या बातम्यांदरम्यान पुन्हा एक व्हिडिओ समोर आला आहे. त्यामुळे शुभमन गिल आणि सारा तेंडुलकर यांच्यातील नात्याबद्दलच्या चर्चांना आणखी उधाण आलं आहे. काल रात्री (20 जानेवारी) शुभमन गिलची बहीण शहनील गिल सारा तेंडुलकरसोबत नाईट आऊट करताना दिसली होती. सारा आणि शाहनीलची ही भेट कॅमेऱ्यात कैद झाली आहे. दोघींचे व्हिडिओ सोशल मीडियावर व्हायरल झाले आहेत.
कॅमेरा पाहून साराने चेहरा लपवला
व्हायरल व्हिडिओमध्ये, सारा तेंडुलकर काळ्या रंगाच्या कटआउट ड्रेसमध्ये दिसली तर शहनील देखील हिरव्या रंगाच्या नूडल-स्ट्रॅप ड्रेसमध्ये दिसली. सारा आणि शहनील एका कारमध्ये स्पॉट झाल्याचे व्हिडिओमध्ये दिसत आहे. दोघेही कॅमेऱ्याच्या रडारखाली येताच त्या अस्वस्थ दिसल्या. सारा तेंडुलकर पुन्हा पुन्हा चेहरा लपवताना दिसली, तर शहनील मास्क घातलेली दिसली.
नाते पक्के होणार का?
सारा आणि शहनीलच्या या भेटीवरून अनेक अर्थ काढले जात आहेत. या भेटीनंतर सारा आणि शुभमनचे नाते फायनल होणार की काय? यावेळी दोघांनीही कॅमेऱ्यावर कोणतीही प्रतिक्रिया दिली नसली तरी दोघीही पहिल्यांदाच एकत्र दिसले. शुभमन गिल आणि सारा तेंडुलकर यांच्या अफेअरच्या बातम्या बऱ्याच दिवसांपासून चर्चेत होत्या, मात्र दोघांनीही या नात्याचा अधिकृत खुलासा केलेला नाही.
सारा आणि सचिन लंच डेटला एकत्र दिसले होते
जेव्हा सारा तेंडुलकरला कॉफी विथ करणमध्ये शुभमन गिलबद्दल प्रश्न विचारण्यात आला तेव्हा अभिनेत्रीने खुलासा केला होता की, जग चुकीच्या साराच्या मागे लागलं आहे. शुभमनसोबत आणखी कोणीतरी रिलेशनशिपमध्ये आहे. सारा तेंडुलकर आणि शुभमन गिल एकत्र दिसले असले तरी. काही काळापूर्वी दोघेही लंच डेटवर एकत्र दिसले होते. याआधीही दोघे जिओच्या एका कार्यक्रमात एकत्र दिसले होते.
इतर महत्वाच्या बातम्या
अधिक पाहा..
[ad_2]
