[ad_1]
( प्रगत भारत । pragatbharat.com) 
दिवा शहरातील बेकायदा इमारतींवर डी-स्टॅम्पिंग करण्यात येणार आहे. तसेच दिवा शहराचा नियोजित शहर म्हणून विकास करण्यासाठी मुख्यमंत्री एकनाथ शिंदे यांनी दिवा शहरातही क्लस्टर डेव्हलपमेंट योजना राबविण्यात येणार असल्याची घोषणा केली आहे. तसेच त्याची अंमलबजावणी करण्याचे निर्देश महापालिका आयुक्तांना दिले आहेत.
यासोबतच दिवा येथे स्वतंत्र पोलीस ठाण्याच्या उभारणीसाठी 5 कोटींचा निधी उपलब्ध करून देण्याची घोषणा यावेळी मुख्यमंत्र्यांनी केली.
दिवा शहरातील सुमारे 610 कोटींच्या विविध विकासकामांचे भूमिपूजन आणि उद्घाटन सोहळा ठाणे महापालिका आणि मुख्यमंत्र्यांच्या हस्ते होत आहे. यावेळी खासदार डॉ.श्रीकांत शिंदे, जिल्हाधिकारी अशोक शिनगारे, ठाणे महापालिका आयुक्त अभिजित बांगर, माजी महापौर नरेश म्हस्के, माजी उपमहापौर रमाकांत मढवी यांच्यासह नगरसेवक, अधिकारी उपस्थित होते.
यावेळी मुख्यमंत्र्यांच्या हस्ते दिवा शहरातील धरमवीर नगर येथील नवीन जलवाहिनी, दिवा आगासन रोडवरील आरोग्य केंद्र, दातिवली गावातील व्यायाम शाळा, खुले नाट्यगृह, साबे गावातील शाळा, देसाई खडी पूल आदी कामांचे भूमिपूजन करण्यात आले.
भविष्यातही दिवा शहराच्या विकासासाठी मोठा निधी उपलब्ध करून दिला जाणार आहे. दिव्यातील रस्त्यांसाठी 240 कोटी, दिवा-आगासन रस्त्यासाठी 63 कोटी, आगरी कोळी वारकरी भवनासाठी 15 कोटी, देसाई खडीपूलसाठी 67 कोटी, आगासन येथील 100 खाटांच्या रुग्णालयासाठी 58 कोटी, सुशोभीकरणासाठी 22 कोटी खिडकरी असा एकूण 61 कोटींचा निधी दातिवली, देसाई तलाव आणि खिडकालेश्वर मंदिराच्या विकासासाठी देण्यात आला आहे.
हेही वाचा
‘मुख्यमंत्री स्वच्छ मुंबई व्हॉटस्अप हेल्पलाईन’ मुंबईकरांच्या सेवेत
केईएममध्ये हिमोफिलिया रुग्णांना एकाच छताखाली उपचार
[ad_2]
