( प्रगत भारत । pragatbharat.com)
Mercury Transit Kumbh: ग्रह एका ठराविक काळानंतर त्यांच्या राशीमध्ये बदल करतात. यावेळी ग्रहांचा राजकुमार बुध ग्रहाने 20 फेब्रुवारी रोजी कुंभ राशीत प्रवेश केला आहे. कुंभ राशीत बुधाचं गोचर अनेक राशीच्या लोकांच्या जीवनावर परिणाम करतंय. यावेळी कुंभ राशीत शनी आधीच आहे. याशिवाय या राशीमध्ये सूर्य ग्रह देखील असणार आहे.
शनी आणि बुध यांचा संयोग शुभ राहणार आहे. बुध सूर्याशी संयोग होऊन बुधादित्य योग तयार होणार आहे. अशा स्थितीत बुध कुंभ राशीत गेल्याने दुहेरी राजयोग तयार होतोय. या राजयोगाच्या निर्मितीमुळे काही राशींच्या व्यक्तींना लाभ होणार आहे. जाणून घेऊया या राशी कोणत्या आहेत.
मेष रास (Mesh Zodiac)
बुधाच्या संक्रमणामुळे अकराव्या घरात शुभ राजयोग तयार होतोय. या राशीच्या लोकांना अपार संपत्ती प्राप्त होऊ शकते. त्यामुळे करिअरच्या क्षेत्रातही भरीव यश मिळू शकते. तुमच्या जीवनात समाधानी राहू शकता. तुम्ही केलेल्या गुंतवणुकीवर चांगला परतावा मिळू शकतो. तुम्ही तुमच्या बौद्धिक कौशल्याने इतरांना प्रभावित कराल. आर्थिक लाभासोबतच व्यवसायात तुम्हाला मोठे यश मिळणार आहे. भागीदारीत केलेल्या व्यवसायात तुम्हाला मोठे यश मिळू शकतं. परदेशातून नोकरीची संधी मिळू शकते.
तूळ रास (Tula Zodiac)
या राशीमध्ये पाचव्या भावात दुहेरी राजयोग तयार होतोय. अशा स्थितीत या राशीच्या लोकांचा कल अध्यात्माकडे असणार आहे. कामाच्या संदर्भात थोडा प्रवास करावा लागू शकतो. सरकारी क्षेत्राशी संबंधित सर्व कामे सहज पूर्ण होतील. तुम्हाला तुमच्या मेहनतीचे फळ मिळेल. तुमच्या कामाचे कौतुक होईल. तुम्हाला नशिबाची पूर्ण साथ मिळणार आहे. वैवाहिक जीवनातही आनंद राहील. आर्थिक क्षेत्राबद्दल बोलायचे झाल्यास, तुम्ही भरपूर पैसे कमवण्यात यशस्वी होऊ शकता.
कुंभ रास (Kumbha Zodiac)
या राशीच्या चढत्या घरात हा राजयोग तयार होत आहे. अशा परिस्थितीत या राशीच्या लोकांना नशिबाची पूर्ण साथ मिळू शकते. मुलांच्या सततच्या समस्यांपासून आराम मिळू शकतो. करिअरमध्ये थोडी काळजी घेण्याची गरज आहे. व्यवसाय करणाऱ्या लोकांना खूप फायदा होणार आहे. तुमचे अडकलेले पैसे परत मिळू शकतात. शेअर संबंधित बाजारात मोठा नफा मिळण्याची शक्यता आहे. वडिलोपार्जित मालमत्ता आणि सट्टा याद्वारे भरपूर पैसा कमवू शकता.
( Disclaimer – या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )
