[ad_1]
( प्रगत भारत । pragatbharat.com)
क्रिकेट वेस्ट इंडीज (CWI) ने सोमवारी आगामी भारत दौऱ्यासाठी २ कसोटी, ३ एकदिवसीय आणि ५ T20 सामन्यांचे वेळापत्रक जाहीर केले. ICC वर्ल्ड टेस्ट चॅम्पियनशिपचा भाग म्हणून भारताचा वेस्ट इंडिज दौरा दोन कसोटी सामन्यांनी सुरू होणार आहे. डॉमिनिकामधील विंडसर पार्क येथे १२ ते १६ जुलै दरम्यान पहिल्या कसोटी सामन्याचे आयोजन करणार आहे. दुसरा आणि अंतिम सामना हा या दोन्ही संघांमधील १०० वा कसोटी सामना असेल. हा सामना २० जुलैपासून त्रिनिदादमधील क्वीन्स पार्क ओव्हल येथे सुरू होईल.
या दौऱ्याची घोषणा करताना, क्रिकेट वेस्ट इंडिजचे सीईओ जॉनी ग्रेव्ह म्हणाले, ” भारताच्या दौऱ्याचे वेळापत्रक जाहीर करत असताना आम्हाला आनंद होत आहे. कारण भारताबरोबर आमचे चांगले संबंध आहेत आणि त्यामुळेच दोन्ही देशांतील १०० वा कसोटी सामना खेळवण्याचा योग आमच्या नशिबात आहे. भारत आणि वेस्ट इंडिज यांच्यातील १०० वा कसोटी सामना हा क्वीन्स पार्क ओव्हलवर रंगणार आहे. हा सामना आमच्यासाठी खास असेल आणि चाहत्यांसाठी ही एक मोठी मेजवानी असेल. या दौऱ्यातील काही सामने अमेरिकेतही खेळवण्यात येणार आहेत.”
भारताचे या दौऱ्यातील दोन टी-२० सामने हे अमेरिकेत खेळवण्यात येणार आहे. या दौऱ्यातील चौथा टी-२० सामना हा १२ ऑगस्टला फ्लोरिडा येथे होईल आणि त्यानंतर दुसऱ्याच दिवशी म्हणजे १३ ऑगस्टला दोन्ही देशांतील पाचवा आणि अखेरचा टी-२० सामना हा याच ठिकाणी खेळवण्यात येणार आहे. त्यामुळे या दौऱ्यातील हे दोनच सामने फक्त अमेरिकेत खेळवण्यात येणार असल्याचे आता स्पष्ट झाले आहे.
भारताचा हा दौरा तब्बल एका महिन्याचा असणार आहे.
[ad_2]
