[ad_1]
( प्रगत भारत । pragatbharat.com)
काय म्हणाल्या अमृता फडणवीस
अमृता फडणवीसांनी या कार्यक्रमाची संधी साधून आपल्या मनातील खुपणाऱ्या गोष्टी सांगितल्या आहे. त्या म्हणाल्या की, , “देवेंद्रजी तुम्ही लोकसेवेत खूप व्यग्र आहात, पण तुम्ही स्वतःसाठी आणि महाराष्ट्रासाठीही स्वतःच्या आरोग्याकडे लक्ष देणं खूप गरजेचं आहे.
झोपेची वेळ निश्चित नसणे, कितीही वाजता झोपणं, अवेळी आणि कमी झोप घेणं, जिथे जे मिळेल ते खाणं, व्यायामासाठी वेळ न मिळणं या गोष्टी दीर्घकाळासाठी तुमच्या आरोग्यासाठी चांगल्या नाहीत. त्यामुळे तुम्ही आरोग्याकडे लक्ष देणं खूप गरजेचं आहे.”
या गोष्टी करतात परिणाम
अनेकदा आपल्या दिनचर्येतील अगदी छोट्या वाटणाऱ्या चुका देखील आरोग्यावर मोठा परिणाम करतात. अपुरी झोप, अवेळी जेवणे, शारीरिक आणि मानसिक आराम नसणे, कोणताही आहार घेणे यासारख्या चुका तुमच्या आरोग्यावर परिणाम करत असतात. याबाबत आम्ही अपर्णा गोविल भास्कर, बॅरियाट्रिक आणि लॅप्रोस्कोपिक सर्जन, सैफी, नमाहा आणि अपोलो स्पेक्ट्रा हॉस्पिटल्स यांच्याशी चर्चा केली असता. त्यांनी ५ टिप्स दिल्या आहेत ज्यामार्फत तुम्ही स्वतःला फिट ठेवू शकता.
(वाचा – Intermittent fasting ने इंचभरही वजनाचा काटा हलला नाही, ऋजुता दिवेकरने सांगितलेल्या ५ टिप्सने करा झर्रकन वजन कमी)
संतुलित आहार घ्या
पावसाळ्यात व्यायामाचे प्रमाण कमी झाल्यामुळे, घरी शिजवलेले अन्न, सीझनल फळे आणि भाज्या आणि संतुलित आहाराची निवड करा. बेकरीचे पदार्थ, तळलेले पदार्थ, मिठाई, चॉकलेट्स, शर्करायुक्त पेयांपासून दूर रहा.
(वाचा – Health Tips : पावसाळ्यात किती ग्लास पाणी प्यावे? डॉक्टरांनी सांगितलं यामागचं खरं कारण)
नेहमी हायड्रेटेड राहा
पावसाळ्यात सूर्यप्रकाशाचा अभाव असला तरी आर्द्रतेमुळे शरीरातील पाणी खूप कमी होते. तुमच्या शरीरातील पाण्याची गरज पूर्ण करण्यासाठी तुम्ही पुरेशा द्रव पदार्थांचे सेवन करा किंवा इतर कमी-कॅलरीज असलेले द्रवपदार्थ जसे की नारळ पाणी, लिंबू पाणी, ताक, सूप, ज्यूस यांचे सेवन करावे. यामुळे पोटाच्या तक्रारींपासून दूर राहण्यास मदत होईल.
(वाचा -श्रावणातील उपवास कसे कराल? बाबा रामदेव यांनी सांगितले या दिवसांत आरोग्य कसे जपाल?)
वर्कआऊट महत्वाचा
शारीरिक हालचाल ही उत्तम आरोग्य राखण्यासाठी अत्यंत गरजेची आहे. पावसाळ्यात तुम्ही ऑनलाइन किंवा इनडोअर वर्कआऊटचा विचार करू शकता. घरच्या घरी करण्यासाठी या एकदम चांगला पर्याय ठरेल. यामुळे आरोग्य उत्तम राहण्यास मदत होते.
(वाचा – पैंजण घालणे ही फक्त संस्कृती नाही तर याचे ६ आरोग्यदायी फायदे, सांधेदुखी ते रक्ताच्या गुठळ्या होण्यापासून बचाव )
या पद्धतीने करा व्यायाम
तुमच्या घराभोवती उपलब्ध जागेचा वापर करा : तुम्ही चालण्यासाठी किंवा व्यायाम करण्यासाठी तुमच्या इमारतीतील मोकळ्या जागेचा वापर करू शकता. तुमच्या बिल्डिंगच्या पायऱ्याच्या चढणे उतरणे किंवा स्टेपर वापरून हा व्यायाम करु शकता.
छंद जोपासा
वर्कआउटची निवड करताना, तुम्हाला जे आवडते ते तुम्ही निवडत असल्याचे सुनिश्चित करा आणि त्याचा आनंद घ्या. मग ते वाचन असेल किंवा कुकिंग असेल यामुळे तुमची फिटनेस पातळीच नाही तर तुमचे मानसिक आरोग्य देखील सुधारते.
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.
[ad_2]
