[ad_1]
( प्रगत भारत । pragatbharat.com)
Youtube Monetization: युट्युब कंटेट क्रिएटर्सची मोठी बातमी समोर आली आहे. युट्युबवर (YouTube) तुमचे जर चॅनल असेल तर तुम्हाला कमाईसाठी मोनेटाइजेशनची (Monetization) फारशी चिंता करण्याचे कारण नाही. आता, तुमच्या युट्युब चॅनलला फक्त 500 सब्सक्रायबर्स असतील तरी तुम्हाला पैसै मिळू शकतात. याआधी ही मर्यादा 1000 सब्सक्राइबर्सची होती.
युट्युबने आज याबाबतची माहिती दिली आहे. युट्युबने म्हटले की, YouTube भागीदार कार्यक्रमासाठी पात्रता निकष अधित सुलभ करत आहे. कमी फॉलोअर्स असलेल्या कंटेट क्रिएटर्ससाठी (youtube content creator) मोनेटाइजेशन प्रोसेस आणखी सोपी करत असल्याचे त्यांनी म्हटले. म्हणजेच, आता कमी फॉलोअर्स असलेले क्रिएटर्स देखील त्यांच्या YouTube चॅनेलच्या मार्फत कमाई करू शकतील
YouTube ने केले नियमात बदल
याआधी कंटेट क्रिएटर्सना YouTube भागीदार कार्यक्रमात सामील होण्यासाठी अनेक निकषांची पूर्तता करावी लागत होती. परंतु आता नवीन नियमानुसार, क्रिएटर्सना पात्र होण्यासाठी फक्त 500 सब्सक्राइबर्सची आवश्यकता आहे. आधीच्या निकषाच्या तुलनेत ही संख्या निम्मी आहे. त्याच वेळी, YouTube ने वॉच हवर 4000 तासांहून 3000 तासांवर आणले आहेत. म्हणजेच आता वर्षभरात केवळ 3000 वॉच हवर पूर्ण करायचे आहेत.
तसेच Youtube Shorts व्ह्यूज 10 दशलक्षावरून 3 दशलक्षापर्यंत कमी झाले आहेत. म्हणजेच, क्रिएटर्सकडून चॅनेलची कमाई करण्यासाठी, 90 दिवसांत 30 लाख Youtube Shorts व्ह्यूज असणे आवश्यक आहे. हे नियम प्रथम अमेरिका, युनायटेड किंगडम, कॅनडा, तैवान आणि दक्षिण कोरियामध्ये लागू केले जातील. यानंतर ते इतर देशांमध्येही लागू केले जाऊ शकतात.
छोट्या व्हीडिओ क्रिएटर्सला फायदा
युट्यूबच्या या नव्या नियमाचा फायदा छोट्या व्हीडिओ क्रिएटर्सला होणार आहे. या लहान व्हीडिओ क्रिएटर्सला आपला कंटेट युट्युबवर मोनेटाइजेशन करण्याची संधी मिळणार आहे.
तथापि, त्यांचे प्रेक्षक वाढवण्यासाठी आणि जाहिरातींचा महसूल मिळविण्यासाठी त्यांना काही निकष पूर्ण करणे आवश्यक आहे. महसूल हिस्सा वाटपाचे सूत्र कायम आहे. जे क्रिएटर्स आधीपासूनच Youtube पार्टनर प्रोग्राममध्ये आहेत. त्यांना पुन्हा अर्ज करण्याची आवश्यकता नाही. Youtube पार्टनर प्रोग्राममध्ये असलेल्या क्रिएटर्सना सुपर थँक्स, सुपर चॅट आणि सुपर स्टिकर्स आदी सारखे उपयोगी टूल्स वापरता येतील.
YouTube वरून पैसे कमावण्यासाठीचे एक्स्ट्रा टीप्स
YouTube वर व्हिडीओ बनवल्यानंतर लगेच अर्निंगला सुरूवात होत नाही. त्यासाठी काही महिने वाट पाहावी लागते. पैसे कमावण्यासाठी वेळ आणि प्रचंड परिश्रम लागतात. तसेच, कामात सातत्य राखण्यासाठी संयमाची कसोटी लागते. यानंतर तुम्ही YouTube व्हिडोओ बनवून YouTube प्लॅटफॉर्मवरून पैसे कमवायला सुरूवात करू शकता.
इतर महत्त्वाच्या बातम्या:
[ad_2]
