[ad_1]
( प्रगत भारत । pragatbharat.com)
पुणे : पुणे लोकसभा मतदारसंघातील (Pune loksabha 2024) निवडणुकीसाठी भाजपकडून मुरलीधर मोहोळ (Murlidhar Mohol) यांना उमेदवारी देण्यात आली आहे. भाजपकडून शहरात जोरदार प्रचार यंत्रणा राबवली जात असून मोहोळ यांना मोठ्या मताधिक्याने विजयी करण्यासाठी भाजपच्या वर्धापन दिनानिमित्त 6 आणि 7 एप्रिल रोजी ‘घर चलो अभियान’ राबवण्यात येणार आहे. या अभियानाच्या माध्यमातून शहरातील जवळपास दहा ते बारा लाख मतदारांपर्यंत पोहोचण्याचा मेगा प्लॅन भाजपकडून आखण्यात आला आहे. या अभियानात भाजपाचे 10 हजार पेक्षा जास्त कार्यकर्ते सहभागी होणार आहेत. आजपासून या अभियानाला सुरुवात होणार आहे.
6 एप्रिलला भाजपचा 44 वा वर्धापन दिन असून या दिवशी पुणे शहर भाजपकडून मोहोळ यांच्या प्रचारासाठी 3 लाख घरांमध्ये विशेष संपर्क मोहीम राबविण्यात येणार आहे. भाजप प्रदेशाध्यक्ष चंद्रशेखर बावनकुळे आणि मंत्री चंद्रकांत पाटील, खासदार मेधा कुलकर्णी, सर्व आमदार यांच्यासह 10 हजार पेक्षा जास्त कार्यकर्ते या अभियानात सहभागी होणार आहेत. लोकसभा निवडणुकीत ”अब की बार 400 पार” ही घोषणा प्रत्यक्षात आणण्यासाठी भारतीय जनता पार्टीने प्रत्येक बुथवर 370 मते वाढविण्याचा निर्धार केला आहे.
विधानसभा स्तरावर पक्षाच्या बूथस्तरीय कार्यकर्त्यांचे तसेच पन्नास प्रमुखांचे मेळावे या अभियानात आयोजित केले जाणार आहेत. मागील तीन निवडणुकीतील मतदानाच्या आकडेवारीचा आढावा घेऊन यावेळच्या निवडणुकीसाठी मतदानाचे उद्दिष्ट निश्चित केले जाणार आहे. या अभियानात प्रत्येक बूथवर मागच्या निवडणुकीपेक्षा 370 मते वाढवण्यासाठी विविध उपक्रम हाती घेण्यात येणार आहेत. या अभियानात समाजातील विविध घटकांपर्यंत पोहोचण्य़ाचे लक्ष्य असल्याचं भाजपकडून सांगण्यात आलं आहे.
मतदारांजवळ थेट पोहचण्यावर भर
मतदारांशी थेट संपर्क साधणे, प्रत्येक घर, वाहनावर स्टिकर्स लावणे, लाभार्थींशी नियमित संपर्कात राहणे, प्रत्येक कार्यकर्त्याच्या घरी भाजपा चा झेंड़ा लावणे आदी उपक्रम राबवले जातील. मोदी सरकारचे कार्य व योजना पोहोचवून भाजपाला मत देण्यासाठी विशेष प्रयत्न केले जाणार आहेत.
महिला मोर्चा, ओबीसी मोर्चा, व्यापारी आघाडी, मंडल अध्यक्ष, विस्तारक सोशल मीडिया आणि आयटी सेल, अनुसूचित जाती मोर्चा, झोपडपट्टी आघाडी, वैद्यकीय आघाडी, पर्यावरण आघाडी, उत्तर व दक्षिण भारतीय आघाडी, अल्पसंख्याक आघाडी, सहकार, पायाभूत सुविधा, शिक्षक भटके विमुक्त आघाडी यांच्या पदाधिकाऱ्यांच्या बैठका घेऊन निवडणूक तयारीचा आढावा घेण्यात येत आहेत.
इतर महत्वाची बातमी-
Pune Lok Sabha Election : धंगेकरांच्या प्रचार बैठकीत फोटोवरुन राडा; मंडपवाल्याला मारहाण,काँग्रेसमधील “नाराजी नाट्य” संपेना!
अधिक पाहा..
[ad_2]
