[ad_1]
( प्रगत भारत । pragatbharat.com)
एकूण बारा शहरांत सामने
मुंबईत वर्ल्ड कप कार्यक्रमाची घोषणा करण्यात आली. ही स्पर्धा पाच ऑक्टोबर ते १९ ऑक्टोबरदरम्यान रंगणार आहे. भारत-पाकिस्तान लढतीप्रमाणेच स्पर्धेची अंतिम लढत अहमदाबाद येथील नरेंद्र मोदी स्टेडियमवर १९ नोव्हेंबरला रंगणार आहे. स्पर्धेचे उपांत्य सामने मुंबई आणि कोलकाता येथे अनुक्रमे १५ आणि १६ नोव्हेंबरला होतील. वर्ल्ड कपमध्ये एकूण ४८ सामन्यांचे आयोजन भारतातील १० शहरांत होईल. यात धरमशाला, दिल्ली, बेंगळुरू, चेन्नई, हैदराबाद, मुंबई, पुणे, अहमदाबाद, कोलकाता, लखनौ या दहा शहरांचा समावेश आहे. त्याचबरोबर सराव सामने गुवाहाटी आणि तिरुअनंतपुरम येथे होणार आहेत. स्पर्धेच्या दोन्ही उपांत्य लढती; तसेच अंतिम फेरी यासाठी राखीव दिवसाचे आयोजनही करण्यात आले आहे. स्पर्धेच्या लढती सकाळी १०.३० पासून आणि विद्युतझोतातील लढती दुपारी २ पासून सुरू होतील.
भारत-पाकिस्तान वर्ल्डकपमध्ये २ वेळा भिडणार? वीरेंद्र सेहवागने आधीच सांगितले ४ फायनलिस्ट संघ
…तर मुंबईची लढत दुसरीकडे
आयसीसीने स्पर्धेचा कार्यक्रम जाहीर करताना आणखी एक महत्त्वपूर्ण मुद्दाही स्पष्ट केला आहे. भारताने उपांत्य फेरीत प्रवेश केला, तर ती लढत निर्धारित वेळापत्रकानुसार मुंबईतील वानखेडे स्टेडियमवर होईल. मात्र, त्या लढतीत भारताची गाठ पाकिस्तानशी पडणार असेल, तर मात्र लढत कोलकात्याला हलविण्यात येणार आहे.
१०० दिवसांचे निमित्त साधून
भारताकडे यजमानपद असणाऱ्या या वर्ल्ड कपचा कार्यक्रम जाहीर होण्याची प्रतीक्षा क्रिकेटप्रेमींना होतीच. हा कार्यक्रम जाहीर होण्यास विलंबच झाला. अखेर आयसीसी आणि बीसीसीआय यांनी संयुक्तपणे वर्ल्ड कप कार्यक्रमाची घोषणा केली. स्पर्धेस फक्त शंभर दिवस (मंगळवारपर्यंत) शिल्लक असताना या कार्यक्रम जाहीर करण्यात आला. याच्या अगदीविरुद्ध म्हणजेच २०१९च्या वर्ल्ड कपचा कार्यक्रम (यजमान इंग्लंड आणि वेल्स), २०१५च्या वर्ल्ड कपचा कार्यक्रम (यजमान ऑस्ट्रेलिया-न्यूझीलंड) जवळपास बारा महिनेआधीच जाहीर करण्यात आला होता.
असा असेल ‘फॉरमॅट’
स्पर्धेचा फॉरमॅट २०१९च्या वन-डे वर्ल्ड कपप्रमाणेच असेल. सहभागी दहा संघ साखळी पद्धतीने प्रत्येक संघाविरुद्ध खेळतील. साखळी अखेरीस अव्वल चार क्रमांकावरील संघांना उपांत्य फेरीत प्रवेश मिळेल. यजमान असल्याने भारताने स्पर्धेच्या मुख्य फेरीत थेट प्रवेश मिळविला असून, अफगाणिस्तान, ऑस्ट्रेलिया, इंग्लंड, बांगलादेश, न्यूझीलंड, पाकिस्तान आणि दक्षिण आफ्रिका यांनी वन-डे क्रमवारीतील अव्वल आठमधील स्थानानुसार मुख्य स्पर्धेत प्रवेश घेतला. सध्या झिम्बाब्वेमध्ये या वर्ल्ड कपची प्राथमिक फेरी आयोजित करण्यात आली असून, यातील अव्वल दोन संघ भारतात रंगणाऱ्या वर्ल्ड कपच्या मुख्य फेरीत प्रवेश करतील.
भारताचे सराव सामने
तारीख प्रतिस्पर्धी ठिकाण
३० सप्टेंबर इंग्लंड गुवाहाटी
३ ऑक्टोबर पात्र संघ तिरुअनंतपुरम
आम्ही बीसीसीआय, आयसीसीचे आभारी आहोत. पुण्यात २७ वर्षांनंतर वर्ल्ड कपची लढत आयोजित करण्यासाठी आम्ही सज्ज आहोत. पुण्यात प्रत्येक लढतीला मोठा प्रतिसाद मिळतो. त्यामुळे पाचही लढती हाउसफुल्ल होतील, यावर आमचा विश्वास आहे. आम्ही पार्किंग, तिकीट काउंटरसह इतर आवश्यक ती सर्व कामे सप्टेंबरअखेरपर्यंत पूर्ण करणार आहोत.
– रोहित पवार, एमसीएचे अध्यक्ष
कुठल्या शहरात किती सामने?
अहमदाबाद (मोदी स्टेडियम) : ५; हैदराबाद (उप्पल) : ३; धरमशाला (हिमाचल प्रदेश) : ५; दिल्ली (जेटली स्टेडियम) : ५; चेन्नई (चेपॉक) : ५; लखनौ (वाजपेयी स्टेडियम) : ५; पुणे (एमसीए स्टेडियम) : ५; बेंगळुरू (चिन्नास्वामी स्टेडियम) : ५; मुंबई (वानखेडे स्टेडियम) : ५; कोलकाता (ईडन गार्डन्स) : ५
ODI World Cup 2023: आजच करा मॅच डेचं प्लॅनिंग! भारताचे सामने कधी आणि कुठे खेळवले जाणार? जाणून घ्या
[ad_2]
