[ad_1]
( प्रगत भारत । pragatbharat.com)
Upcoming Smartphone July 2023: सध्या स्मार्टफोन कंपन्या ग्राहकांचं लक्ष वेधून घेण्यासाठी नवनवीन स्मार्टफोन्स लाँच करत आहेत. पुढील महिन्यात अर्थात, जुलैमध्ये काही स्मार्टफोन्स कंपन्या भन्नाट फिचर्सचे फोन बाजारात आणत आहेत. यामध्ये Nothing Phone 2 आणि Oneplus Nord 3 सारख्या स्मार्टफोनचा समावेश आहे. यामुळे नवीन फोन विकत घेण्याचा विचार करत असाल, तर ही बातमी तुमच्यासाठी महत्वाची आहे.
या स्मार्टफोन कंपन्या आपल्या अधिकृत यूट्युब चॅनेलवर मोबाईल लाँच इव्हेंटला लाईव्ह दाखवतात. तुम्हाला हे इव्हेंट घरी, प्रवास कुठेही बसून पाहता येऊ शकतात. या चॅनेलच्या माध्यमातून नवीन फोनविषयी सर्व माहिती मिळू शकते. यासोबत तुम्हाला ऑफर आणि डिस्काउंटबद्दलही सविस्तर माहिती मिळू शकते. जर तुम्हाला वेळेत स्मार्टफोन हवा असेल, तर प्री बुकिंग करण्याचा ऑप्शन उपलब्ध आहे. तर चला मग पुढील महिन्यात लाँच (Upcoming Smartphone July 2023) करण्यात येणाऱ्या काही भन्नाट स्मार्टफोन्सविषयी सविस्तर माहिती जाणून घेऊया…
जुलै महिन्यात लाँच करण्यात असलेले स्मार्टफोन्स
जुलै महिन्यात काही स्मार्टफोन कंपन्या आपला नवीन स्मार्टफोन लाँच करणार आहेत. यामध्ये सर्वप्रथम मोटोरोला कंपनीचा स्मार्टफोन लाँच करण्यात येणार आहे. हा स्मार्टफोन 3 जुलै रोजी लाँच करण्यात येणार आहे. कंपनी मोटोरोला Razr 40 सिरीजच्या स्मार्टफोन्सला लाँच करणार आहे.
1. IQOO Neo 7 Pro स्मार्टफोन- 3 जुलै 2023
2. Oneplus Nord 3 आणि CE 3- 5 जुलै 2023
3. Realme Narzo 60 सिरीज- 6 जुलै 2023
4. Samsung M34 5G- 7 जुलै 2023
5. Nothing Phone 2- 11 जुलै 2023
या तीन भन्नाट स्मार्टफोनविषयी यूजर्सना उत्सुकता
सध्या बाजारात अनेक कंपन्याचे स्मार्टफोन विक्रीसाठी बाजारात येतात. परंतु बहुतांश लोकांना Nothing Phone2 आणि One Plus Nord3 या फोनबद्दल उत्सुकता आहे. याचं कारण या स्मार्टफोनविषयी लोकांना प्रचंड आकर्षण आहे. विशेषत: Nothing Phone2 च्या आकर्षक डिझाईनविषयी लोकांना प्रचंड उत्सुकता आहे. कंपनीने स्मार्टफोनचे काही तपशील शेअर केल्याचं समोर आलं आहे. परंतु अजूनही स्मार्टफोनचा कॅमेरा आणि डिझाइनविषयी पूर्ण खात्री नाही. हा स्मार्टफोन जवळपास 40 हजार रूपयांपर्यंत मिळू शकतो.
Nothing Phone2 फोनमध्ये 6.7 इंच OLED डिस्प्ले उपलब्ध करून दिला आहे.
Nothing Phone2 फोनमध्ये ड्युल कॅमेरा सेटअप देण्यात आला आहे.
Nothing Phone2 फोनमध्ये Snapdragon 8+ Gen चिपेसट आहे.
Nothing Phone2 फोनमध्ये 4700mAh इतक्या क्षमतेची बॅटरी दिली आहे.
Nothing Phone2 फोनमध्ये Swedish House Mafia Glyph Sound सपोर्ट मिळणार आहे. यामुळे साऊंडची गुणवत्ता वाढली आहे. याचा यूजर्सना संगीत ऐकताना अनुभव मिळणार आहे.
Oneplus Nord 3 स्मार्टफोनविषयी
Oneplus Nord 3 या स्मार्टफोनविषयीसुद्धा लोकांना प्रचंड आतुरता आहे. या फोनमधील भन्नाट फिचर्स व गुणवत्तेविषयी लोकांमध्ये प्रचंड क्रेज आहे.
Oneplus Nord 3 मध्ये 50 मेगापिक्सलचा प्रायमरी कॅमेरा देण्यात आला आहे.
Oneplus Nord 3 मध्ये 120hz इतका डिस्प्ले मिळू शकतो.
Oneplus Nord 3 मध्ये 5000mAh इतक्या क्षमतेची बॅटरी देण्यात आली आहे. टिपस्टर अभिषेक यादव यांच्या माहितानुसार, कंपनी हा फोन दोन प्रकारच्या स्टोरेज व्हेरियंटमध्ये लाँच करू शकते. जसे की, यामध्ये 8GB रॅम आणि 128GB इंटर्नल स्टोरेज व 12GB रॅम आणि 256GB इंटर्नल स्टोरेजचा समावेश आहे. या टिपस्टरच्या म्हणण्यानुसार, या स्मार्टफोनची किंमत 32,999 आणि 36,999 रूपये इतकी असू शकते.
इतर महत्त्वाच्या बातम्या :
50 मेगापिक्सल कॅमेरा, 6.5 इंचाचा FHD Plus डिस्प्ले; Oneplus Nord 3 चे फीचर्स लीक
[ad_2]
