[ad_1]
( प्रगत भारत । pragatbharat.com)
शुभमन गिल लवकर बाद झाला आणि कोहली फलंदाजीला आला. यशस्वी जैस्वाल धडाकेबाज फटकेबाजी करत होता. त्यामुळे कोहलीही त्याला चांगली साथ देईल असे वाटत होते. कारण कोहली आक्रमक खेळाडू आहे. त्यामुळे कोहली आता आक्रमक रुप धारण करेल, असे वाटले होते. पण कोहलीच्या फलंदाजीत यावेळी आक्रमकता दिसली नाही. कारण पहिल्याच चौकारासाठी कोहली हा व्याकूळ झालेल पाहायला मिळाला. कारण काही केल्या कोहलीला चौकार काही मारता येत नव्हता.
कोहलीने ५० चेंडू खेळून झाले होते. पण तरीही त्याला चौकार काही वसूल करता आला नव्हता. पण अखेर त्याला पहिला चौकार लगावता आला, पण त्यासाठी त्याला ८० चेंडूंची वाट पाहावी लागली. कारण आपल्या पहिल्या चौकारासाठी ८१ चेंडूंची प्रतिक्षा करावी लागली. त्यामुळे कोहली या डावात जास्त संयमी खेळत असल्याचे पाहायला मिळाले. पण त्याचवेळी यशस्वी मात्र दमदार फलंदाजी करत होता. त्यामुळेच भारताला दुसऱ्या दिवशी धावांचा डोंगर उभारता आला. त्यामुळे आता सामन्याच्या तिसऱ्या दिवशी कोहली आणि यशस्वी कशी फलंदाजी करतात, याकडे सर्वांचे लक्ष लागलेले असेल.
जैस्वालने ३५० चेंडूत नाबाद १४३ धावा केल्या आहेत, तर कोहलीने ९६ चेंडूत ३६ धावांची खेळी उभारली आहे. डॉमिनिकाच्या या खेळपट्टीमुळे फलंदाजांना धावा काढणे कठीण जात आहे. त्यामुळेच विराट कोहलीसारख्या फलंदाजाला आपल्या डावातील पहिला चौकार मारण्यासाठी ८१ चेंडूंची वाट पाहावी लागली, असे म्हटले जात आहे. पण एका चौकारासाठी कोहलीसाख्या खेळाडूला ८१ चेंडू वाट पाहावी लागणे, हे चाहत्यांना मात्र पटलेले नाही. विराट कोहलीच्या कारकिर्दीत पहिल्यांदाच असे घडले असेल जेव्हा त्याने चौकार मारण्यासाठी इतक्या चेंडूंचा सामना केला.
[ad_2]
