[ad_1]
( प्रगत भारत । pragatbharat.com)
भारतीय संघातील राजकारण हे सामान्य माणसांपर्यंत पोहोचत नाही, असे म्हटले जाते. कारण कर्णधार आणि निवड समिती सदस्य हे आपल्याच विश्वात मग्न असतात. त्यामुळे कोणत्याही महत्वाच्या गोष्टी सामान्य माणसांपर्यंत पोहोचत नाही. त्यामुळे यापूर्वी किती तरी भारताच्या खेळाडूंवर अन्याय झाले असतील, पण त्याला वाचा फोडली गेली नाही. पण आता अजित आगरकर निवड समितीचे अध्यक्ष झाले आणि त्यानंतर पानाचे दुकान चालवणाऱ्या मुलाचे भारतीय संघात कमबॅक झाले आहे.
रोहित सध्या भारताच्या कसोटी आणि वनडे संघाचे नेतृत्व करतो, तर हार्दिककडे टी-२० संघाचे नेतृत्व सोपवण्यात आले आहे. पण गेल्या वर्षभरापासून या दोघांनी भारताचा युवा वेगवान गोलंदाज अवेश खानला भारतीय संघात स्थान दिलेले नाही. गेले वर्षभर त्याला संघात स्थान दिले नाही पण अवेशवर विश्वास व्यक्त करत अजित आगरकरने आशियाई क्रीडा स्पर्धेसाठी निवडण्यात आलेल्या १५ सदस्यीय संघात त्याचा समावेश केला आहे. आवेश खानने आपल्या करिअरमध्ये आत्तापर्यंत अनेक चढउतार पाहिले आहेत, पण गेल्या वर्षापासून मात्र त्याला रोहित आणि हार्दिक यांनी संधी दिलीच नाही. अवेशने २४ जुलै २०२२ साली भारतासाठी आपला शेवटचा सामना खेळला होता. त्यानंतर त्याला एकही संधी देण्यात आलेली नाही. अवेश हा गरीब कुटुंबातून संघर्ष करत भारतीय संघात आला आहे. अवेशचे वडिल पानाचे दुकान चालवायचे.
अवेश आता भारतीय संघात दाखल झाला आहे. पण तो आता कशी कामगिरी करतो आणि भारतीय संघातील स्थान निश्चित कसे करतो, याकडे सर्वांचे लक्ष लागलेले असेल.
[ad_2]
