[ad_1]
( प्रगत भारत । pragatbharat.com)
वेस्ट इंडिजच्या १५० धावांचा पाठलाग करताना भारताची सुरुवात चांगली झाली नाही. पहिल्या दोन्ही षटकांमध्ये वेस्ट इंडिजने भारताच्या धावांवर लगाम लगावला होता. त्यानंतरच्या तिसऱ्या षटकात शुभमन गिलला अकिल हुसेनने बाद केले. गिलला यावेळी फक्त तीन धावा करता आल्या. त्यानंतर सूर्यकुमार यादव फलंदाजीला आला आणि त्याने चौकारासह चांगली सुरुवात केली. पण याववेळी भारताला पुन्हा एकदा धक्का बसला तो इशान किशनच्या रुपात. फॉर्मात असेलल्या इशानला यावेळी ओबेड मकायने बाद केले. इशानला यावेळी सहा धावा करता आल्या. भारताची त्यावेळी २ बाद २८ अशी स्थिती झाली होती. पण त्यावेळी भारताला या परिस्थितीमधून बाहेर काढले ते तिलक वर्माने.
तिलने आपल्या पहिल्या चेंडूवर दमदार षटकार लगावला आणि झोकात सुरुवात केली. त्यानंतर दुसऱ्या चेंडूवर पुन्हा एकदा तिलकने षटाकर लगावला आणि आपले इरादे यावेळी स्पष्ट केले. पदार्पण करणारा तिलक यावेळी चांगल्या लयीत दिसत होता. तिलक आणि सूर्या ही जोडी दमदार फटकेबाजी करत होती. ही जोडी भारताला विजय मिळवून देईल, असे वाटत होते. पण त्यावेळी वेस्ट इंडिजचा अनुभवी खेळाडू जेसन होल्डरने सूर्याला बाद केले आणि भारताला मोठा धक्का दिला. सूर्याने यावेळी २१ धावा केल्या. सूर्या बाद झाल्यावर भारताला मोठा धक्का बसला तो तिलकच्या रुपात. कारण तिलक यावेळी दमदार फटकेबाजी करत होता. रोमारियो शेफर्डने यावेळी तिलकला बाद केले आणि संघाला मोठे यश मिळवून दिले. तिलकने यावेळी २२ चेंडूंत २ चौकार आणि तीन षटाकारांच्या जोरावर ३९ धावांची खेळी साकारली. तिलक बाद झाल्यावर हार्दिक पंड्या आणि संजू सॅमसन यांच्यावर भारताची भिस्त होती. पण यावेळी पुन्हा एकदा होल्डर वेस्ट इंडिजच्या मदतीला धावून आला आणि त्याने हार्दिकला क्लीन बोल्ड केले.
त्यानंतर संजू सॅमसन हा धावचीत झाला आणि तिथे वेस्ट इंडिजच्या बाजूने हा सामना झुकला.
[ad_2]
