[ad_1]
( प्रगत भारत । pragatbharat.com)
या सामन्यात शुभमन गिलने विजयी षटकारासह शतक पूर्ण करत गुजरात टायटन्सला विजय मिळवून दिला. या षटकाराने आरसीबीला लीगमधूनही बाहेर जावे लागले आहे. याआधी विराट कोहलीच्या गुडघ्याला विजय शंकर चा झेल टिपण्याचा प्रयत्नात दुखापत झाली होती. त्यामुळे तो डगआऊटमध्ये परतला होता. शुभमन गिलचे शतक पूर्ण झाले तेव्हा विराट खुर्चीवर बसून टाळ्या वाजवताना दिसला. मात्र त्यानंतर लगेचच त्याची निराशाही दिसून आली.
संघाच्या पराभवानंतर निराश झालेल्या विराट कोहलीने पाण्याची बाटली फेकली. तर मैदानात पायाने काहीतरी उजवत राग पुन्हा व्यक्त करताना दिसला. ही निराशा काही सेकंदांची होती. पण त्यानंतर तो लगेच उठला आणि मैदानात गेला आणि शुभमन गिलचे अभिनंदन केले. यानंतर तो गुजरात टायटन्सच्या खेळाडूंसोबत हसताना आणि गप्पा मारतानाही दिसला.
या सामन्यात विराट कोहलीने १०१ धावांची खेळी केली. आयपीएलच्या इतिहासात सर्वाधिक ७ शतके झळकावणारा तो फलंदाज बनला आहे. सलग दुसऱ्या सामन्यातील त्याचे हे शतक आहे. याआधी विराटने सनरायझर्स हैदराबादविरुद्धही शतक झळकावले होते. हा सामना पाहण्यासाठी विराट कोहलीची पत्नी अनुष्का शर्माही स्टेडियममध्ये आली होती. शतक पूर्ण केल्यानंतर तिने स्टँडवरून विराट कोहलीला फ्लाइंग किस दिली.
[ad_2]