( प्रगत भारत । pragatbharat.com)
Vipreet Rajyog 2023: वैदिक ज्योतिषशास्त्रानुसार, प्रत्येक ग्रह एका ठराविक वेळी त्यांच्या राशीमध्ये बदल करतात. ग्रहांच्या या राशीबदलामुळे वेळोवेळी शुभ आणि अशुभ योग तयार करतात. दरम्यान हे शुभ आणि अशुभ योग सर्व राशींच्या व्यक्तींवर परिणाम करतात. अशातच आता शुक्र ग्रहामुळे अजून एक राजयोग तयार होतोय.
शुक्र ग्रह कर्क राशीत अस्त होऊन वक्री चाल चालत आहे. दरम्यान यामुळे महाशक्तिशाली विपरीत राजयोग तयार झाला आहे. दरम्यान या राजयोगाचा प्रभाव सर्व राशींवर दिसून येणार आहे. मात्र यावेळी काही राशी अशा आहेत, ज्यांच्यावर या राजयोगाचा सकारात्मक परिणाम दिसून येणार आहे. जाणून घेऊया कोणत्या राशीच्या व्यक्तींना याचा फायदा होणार आहे.
वृषभ रास ( Taurus Zodiac )
वृषभ राशीच्या लोकांसाठी विपरीत राजयोग लाभदायक ठरणार आहे. या काळात तुम्हाला अचानक धनलाभ होण्याची शक्यता आहे. उत्पन्नाचे नवीन स्रोत निर्माण होऊ शकतात. प्रॉपर्टी आणि शेअर मार्केटमधून नफा मिळू शकतो. मार्केटिंग आणि टेंडरच्या कामातून तुम्हाला फायदा होऊ शकतो. तुमची आर्थिक स्थिती मजबूत असू शकते. जोडीदारासोबत कोणता व्यवसाय करत असाल तर यावेळी तुमच्या व्यवसायात भरभराट होईल.
सिंह रास ( Leo Zodiac )
सिंह राशीच्या व्यक्तींसाठी विपरीत राजयोग फायदेशीर ठरू शकतो. या काळात तुमचं करिअर उत्तम होणार आहे. नोकरदार लोकांना पदोन्नती आणि वेतनवाढ मिळणार आहे. कामाच्या ठिकाणी तुम्हाला मोठी जबाबदारी मिळण्याची शक्यता आहे. कोर्ट-कचेरी प्रकरणांमध्ये यश मिळू शकते. व्यावसायिकांना चांगला नफा होऊ शकतो. धार्मिक कार्यात तुमची रुची वाढणार आहे.
धनू रास ( Dhanu Zodiac )
शक्तिशाली विपरीत राजयोग धनू राशीच्या व्यक्तींसाठी अनुकूल ठरणार आहे. यावेळी तुम्हाला अडकलेले पैसे तुम्हाला मिळू शकतात. व्यावसायिकांना चांगला नफा मिळू शकतो. तुमचे रखडलेले काम पूर्ण होईल. वडिलोपार्जीत मालमत्तेचे प्रकरण मार्गी लागेल. उत्पन्नात वाढ होऊ शकते. विरोधकांचे मनसुबे धुळीत मिळणार आहेत.
( Disclaimer – या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )
