[ad_1]
( प्रगत भारत । pragatbharat.com)
ज्या खेळाडूविषयी बोलणं सुरु आहे तो खेळाडू म्हणजे दुसरा तिसरा कोणी नसून यशस्वी जयस्वाल आहे. ज्याने देशांतर्गत क्रिकेट मध्ये मुंबईसाठी आणि राजस्थान रॉयल्ससाठी आयपीएलमध्ये कहर केला. आयपीएलमध्ये नाव कमावल्यानंतर जयस्वालने आता आंतरराष्ट्रीय क्रिकेटमध्येही चमक दाखवली आहे. नुकत्याच झालेल्या वेस्ट इंडिजविरुद्धच्या कसोटी मालिकेत त्याने पदार्पण केले.
यशस्वीने याआधीच कसोटीत दमदार शतक झळकावले होते. त्याने १७१ धावांची अप्रतिम खेळी खेळली. जयस्वालची एंट्री आंतरराष्ट्रीय क्रिकेटमध्ये हिरोपेक्षा कमी नव्हती. त्याच वेळी, हार्दिक आता त्याला टी-२० मध्येही संधी देणार असल्याचे म्हटले जात आहे. जयस्वाल वेस्ट इंडिजविरुद्धच्या टी-२० मालिकेतही आहे. पण त्याला अजून संधी मिळालेली नाही. आता तिसऱ्या टी-२० मध्ये कर्णधार पांड्याला संधी द्यायला नक्कीच आवडेल. तो कॅरेबियन गोलंदाजांना पराभूत करू शकतो. त्याने आयपीएलमधील फटकेबाजीची सर्वांनाच जाणीव करून दिली आहे. आता तो टी-२० इंटरनॅशनलमध्येही वादळ निर्माण करण्याच्या तयारीत आहे.
IPL 2023 मधील यशस्वी जयस्वालची कामगिरी
IPL 2023 मध्ये यशस्वी जयस्वालची बॅट चांगलीच तळपली. त्याने खेळलेल्या १४ सामन्यांमध्ये ४८.०८ च्या अप्रतिम सरासरीने ६२५ धावा केल्या. आयपीएल २०२३ मध्ये त्याचा स्ट्राइक रेट १६३.६१ होता. गेल्या मोसमात ५ अर्धशतके आणि १ शतकही त्याच्या बॅटने झळकवले होते. मात्र, तिसऱ्या टी-२०मध्ये जयस्वालला संधी मिळाल्यास तो संघासाठी मॅचविनिंग इनिंग खेळू शकतो.
इशान किशनच्या जागी यशस्वीने खेळावे असे माजी क्रिकेटपटू वसीम जाफर यांनी म्हटले आहे. यशस्वीला तिसर्‍या टी-२० मध्ये संधी देण्यात येण्याच्या चर्च आहेत. वसीम जाफर म्हणाले, मी असतो तर यशस्वील निसंकोचपणे खेळायला संधी दिली असती. त्यामुळेच ईशान किशन टी-२० मध्ये संघर्ष करत असल्याचे आम्हाला चांगलेच माहीत आहे. या परिस्थितीत त्याला विश्रांतीची गरज आहे.
[ad_2]
