[ad_1]
( प्रगत भारत । pragatbharat.com)
यापूर्वी भारतीय संघ हा वेस्ट इंडिजच्या दौऱ्यावर होता. या दौऱ्यात भारताला टी-२० मालिकेत २-३ असा पराभव पत्करावा लागला होता. पण या मालिनंतर काही खेळाडूंना विश्रांती देण्याचा निर्णय घेण्यात आला आहे. त्यामुळे आयर्लंडविरुद्धच्या या मालिकेत आता युवा खेळाडूंना जास्त संधी मिळणार आहे. त्यामुळे युवा खेळाडूंसाठी ही मालिका सर्वात महत्वाची असेल. या मालिकेत काही युवा खेळाडूंना पदार्पण करण्याची संधी मिळणार आहे. त्यामुळे या संधीचे सोने त्यांना करता येते का, हे पाहणे सर्वात महत्वाचे ठरणार आहे. त्यामुळे आता बुमरा या मालिकेत कोणाला संधी देतो, याकडे तमाम क्रिकेट विश्वाचे लक्ष लागलेले असेल.
तब्बल ११ महिन्यांनी बुमराह नेटमध्ये परतला
भारतीय क्रिकेट संघाच्या नेट्समधून बुधवारी टाळ्यांचा आवाज आणि कौतुकाचे बोल ऐकू येत होते. कुणाचे पदार्पण वगैरे नव्हते; तर जसप्रीत बुमराह तब्बल ११ महिन्यांनंतर भारताच्या नेटमध्ये पूर्ण ताकदीने गोलंदाजी करत होता. बीसीसीआयने तसा व्हिडिओ सोशल मीडियावर पोस्ट केला आहे. २५ सप्टेंबर २०२२ रोजी ऑस्ट्रेलियाविरुद्धच्या टी-२० सामन्यानंतर बुमराह आंतरराष्ट्रीय क्रिकेटपासून दूर आहे. त्याच्या दुखऱ्या पाठीवर शस्त्रक्रियाही करावी लागली. आयर्लंड दौऱ्यासह प्रसिध कृष्णाही मोठ्या कालावधीनंतर पुनरागमन करत आहे. दुखापतींनी त्याचाही पिच्छा पुरविला होता. आयर्लंड दौऱ्यात भारतीय टी-२० संघाचे नेतृत्व बुमराहकडे सोपविण्यात आले आहे. भारत-आयर्लंडदरम्यान तीन टी-२० लढती अनुक्रमे १८, २० आणि २३ ऑगस्टला खेळल्या जाणार आहेत.
सॅमसन आयपीएलमध्ये तिसऱ्या किंवा चौथ्या क्रमांकावर फलंदाजी करतो; पण विंडीजमध्ये त्याला पाचवा किंवा त्यापेक्षाही खालचा क्रमांक दिला गेला. सॅमसनने विंडीज दौऱ्याआधी ‘फिनिशर’ची भूमिका निभावलेली नव्हती. या क्रमांकाचा अनुभव नसणे तोट्याचे ठरले. ‘तुम्हाला सॅमसनकडून योगदान हवे असेल, तर त्याला तिसरा क्रमांक द्या. कारण तो तिथे यशस्वी ठरतो अन्यथा त्याला खेळवू नका,’, असे परखड मत एका कार्यक्रमात माजी क्रिकेटपटू अभिषेक नायरने व्यक्त केले आहे.
[ad_2]
