[ad_1]
( प्रगत भारत । pragatbharat.com) 
शाळेतील शिक्षकानेच चार लहान मुलींचे लैंगिक शोषण केल्याचा धक्कादायक प्रकार विक्रोळीत घडला आहे. विक्रोळी पोलिसांनी या प्रकरणी शारीरिक शिक्षणाचे धडे देणारा शिक्षक सौरभ उचाटे (२३) याला अटक केली आहे.
टागोरनगरमधील महापालिकेच्या शाळेचे व्यवस्थापन एका स्वयंसेवी संस्थेच्या वतीने केले जाते. या शाळेत सौरभ गेल्या वर्षभरापासून शारीरिक शिक्षण हा विषय शिकवत होता. सोमवारी एका सात वर्षांच्या मुलीने आईला सौरभबाबत सांगितले.
काही चुकल्यास शिक्षा म्हणून सौरभ बाजूला नेऊन अश्लील कृत्य करीत असल्याचे तिने त्रोटक वर्णन करून सांगितले. तिने सांगितलेला किळसवाणा प्रकार ऐकून तिच्या आईला प्रचंड धक्का बसला व तिने थेट विक्रोळी पोलिस ठाणे गाठले.
पोलिसांनी तिच्या तक्रारीवरून सौरभ याच्या विरोधात बलात्कार, पोक्सो कायद्यांतर्गत गुन्हा दाखल केला. ठाणे येथे राहणाऱ्या सौरभ याला पोलिसांनी या गुन्ह्यात अटक केली.
पोलिसांनी सौरभ याला अटक केल्याचे वृत्त शाळेत व पालकांपर्यंत पोहोचल्यानंतर एकच खळबळ उडाली. सात ते आठ वर्षांच्या आणखी तीन मुलींनी आपल्यासोबतही या शिक्षकाने वाईट कृत्य केल्याचे पालकांना सांगितले. त्यांनी देखील पोलिसांकडे जाऊन तक्रारी केल्या.
लैंगिक शोषण करण्यात आलेल्या मुली दुसरी आणि तिसरी इयत्तेतील असल्याचे पोलिसांनी सांगितले. पोलिसांना सौरभ याच्या मोबाइलमध्येही काही क्लिप सापडल्याचे म्हटले जात आहे.
हेही वाचा
क्रूरतेचा कळस! महिलेने कुत्र्यावर फेकले अ‍ॅसिड
कल्याण : तरूणाचा 12 वर्षांच्या मुलीवर चाकूने हल्ला, आईसमोरच सोडला जीव
[ad_2]
