[ad_1]
( प्रगत भारत । pragatbharat.com)
IND vs AFG Live Score, Asian Games 2023 Final : आशियाई खेळांमध्ये (Asian Games 2023) यंदा भारताने इतिहास (Team India) रचला आहे. यंदा आशियाई स्पर्धेत भारतीय खेळाडूंची दमदार कामगिरी पाहायला मिळत आहे. आशियाई स्पर्धा 2023 मध्ये भारताने 100 पदकांचा आकडा पार केला आहे. आता सर्वांच्या नजरा भारतीय पुरुष क्रिकेट संघाकडे लागल्या आहेत. भारतीय क्रिकेट संघाला सुवर्णपदक जिंकण्याची संधी आहे. आशियाई स्पर्धेत आज भारत विरुद्ध अफगाणिस्तान सामना पाहायला रंगणार आहे. भारत आणि अफगाणिस्तान यांच्यातील अंतिम सामना आज 11.30 वाजता खेळवला जाणार आहे. त्यामुळे सुवर्णपदक कोणाला मिळणार याकडे सर्वांचे लक्ष लागलं आहे.
सुवर्ण पदकासाठी भारत-अफगाणिस्तान आमने-सामने
दरम्यान, आजच्या सामन्यावर पावसाचं सावट आहे. आशियाई खेळांच्या नियमांनुसार, पावसामुळे सामना रद्द झाला, तर उच्च रँकिंग संघाला विजेता घोषित केलं जाईल. अशा परिस्थितीत भारतीय संघाला चांगली संधी आहे. भारतीय संघ क्रमवारीत अफगाणिस्तानच्या पुढे आहे. त्यामुळे पावसामुळे आजचा सामना झाला नाही तर भारताला सुवर्ण तर अफगाणिस्तानला रौप्यपदक मिळेल. भारतीय महिला क्रिकेट संघाने यापूर्वीच सुवर्णपदक जिंकलं आहे. आता ऋतुराज गायकवाडच्या नेतृत्वाखालील पुरुष संघाचीही सुवर्ण पदकावर नजर आहे.
टीम इंडिया विरुद्ध अफगाणिस्तान
आशियाई खेळ 2023 मध्ये क्रिकेट स्पर्धेत आज भारत विरुद्ध अफगाणिस्तान (India vs Afghanistan) यांच्या अंतिम सामना पाहायला मिळणार आहे. भारताने (Team India) उपांत्य फेरीत बांगलादेशचा (Bangladesh) पराभव केला तर, अफगाणिस्तान (Afghanistan) ने उपांत्य फेरीत पाकिस्तान (Pakistan) चा पराभव करून अंतिम फेरीत प्रवेश केला. भारत आणि आफगाणिस्तान यांच्यात आज सुवर्णपदकासाठीचा सामना रंगणार आहे. आशियाई खेळ 2023 मधील क्रिकेटचा अंतिम सामना आज टीम इंडिया आणि अफगाणिस्तान यांच्यात चीनच्या मैदानावर खेळवला जाणार आहे. हांगझाऊ येथील झेजियांग युनिव्हर्सिटीऑफ टेक्नोलॉजी पिंगफेंग क्रिकेट स्टेडिअमवर रंगणार आहे. सकाळी 11.30 वाजता या सामन्याला सुरुवात होणार आहे. आजच्या अंतिम सामन्यातील संघ सुवर्णपदकाचा मानकरी ठरणार आहे. भारत विरुद्ध अफगाणिस्तान यांच्यातील अंतिम सामन्यात रात्री 11 वाजता नाणेफेक होणार आहे. त्याचवेळी सकाळी 11.30 वाजता सामन्याला सुरुवात होईल.
[ad_2]
