[ad_1]
( प्रगत भारत । pragatbharat.com)
चेन्नईला मोठा सेटबॅक
![चेन्नईला मोठा सेटबॅक](https://static.langimg.com/thumb/100671796/maharashtra-times-100671796.jpg?width=680&resizemode=3)
या यादीत पहिले नाव येते ते बेन स्टोक्सचे. इंग्लंडच्या कसोटी कर्णधाराला CSK ने लिलावात १६.२५ दशलक्षांमध्ये संघात सहभागी केले होते पण या हंगामात त्याला फक्त दोनच सामने खेळण्याची संधी मिळाली ज्यात त्याने १५ धावा केल्या. अशा प्रकारे CSK साठी बेन स्टोक्सची एक धाव १.८ कोटींहून जास्तच महागात पडली.
पंजाबचा किंग ठरला फेल
![पंजाबचा किंग ठरला फेल](https://static.langimg.com/thumb/100671795/maharashtra-times-100671795.jpg?width=680&resizemode=3)
सॅम करन आयपीएलच्या इतिहासातील लिलावात विकला गेलेला सर्वात महागडा खेळाडू ठरला. पंजाब किंग्जने त्याला १८.५० कोटींना खरेदी केले पण तो अपेक्षेप्रमाणे खेळ दाखवू शकला नाही. १६व्या हंगामात, करनने पंजाबसाठी एकूण सामन्यात त्याने केवळ १० विकेट घेतल्या आणि फलंदाजीत २७६ धावा केल्या. अशा पंजाबसाठी, सॅम करनने घेतलेल्या एका विकेटची किंमत १.८५ कोटी आहे तर एका धावची किंमत ६.७० लाख रुपयांना पडली.
गोलंदाजीत मुंबईसाठी कामगिरी नाही
![गोलंदाजीत मुंबईसाठी कामगिरी नाही](https://static.langimg.com/thumb/100671782/maharashtra-times-100671782.jpg?width=680&resizemode=3)
मुंबई इंडियन्सने ऑस्ट्रेलियाचा युवा अष्टपैलू खेळाडू कॅमेरून ग्रीनलाही मोठी रक्कम दिली. मुंबईने ग्रीनला १७.५० कोटींना विकत घेतले. त्याने आपल्या संघाला फलंदाजीत काही प्रमाणात भरपाई देण्याचा प्रयत्न केला, परंतु त्याची गोलंदाजी खूपच खराब होती. संपूर्ण हंगामात १६ सामने खेळून त्याला केवळ ६ विकेट घेता आल्या. अशाप्रकारे मुंबईसाठी त्याच्या एका विकेटची किंमत सुमारे ३ कोटी रुपये ठरली पण त्याची फलंदाजी मात्र दमदार होती.
लखनौचा नवाबचं फेल
![लखनौचा नवाबचं फेल](https://static.langimg.com/thumb/100671793/maharashtra-times-100671793.jpg?width=680&resizemode=3)
लखनौ सुपरजायंट्सचा कर्णधार केएल राहुल आयपीएलच्या १६व्या हंगामात केवळ ९ सामने खेळू शकला. संघाने १७ कोटींच्या मोठ्या रकमेत त्याला कायम ठेवले. आयपीएल २०२३ राहुलसाठी काही खास नव्हते आणि दुखापतीमुळे तो बाहेर पडला. मात्र, बाद होण्यापूर्वी त्याने २ अर्धशतकांसह २७४ धावा केल्या. अशाप्रकारे राहुलची एक धाव लखनौसाठी सुमारे ६ लाख रुपयांना पडली.
आधी शतक मग फ्लॉप
![आधी शतक मग फ्लॉप](https://static.langimg.com/thumb/100671834/maharashtra-times-100671834.jpg?width=680&resizemode=3)
सनरायझर्स हैदराबादकडून १६व्या मोसमात शतक झळकावणाऱ्या हॅरी ब्रूकनेही पूर्णपणे निराश केले. ब्रुकला १० सामन्यांत केवळ १९० धावा करता आल्या, ज्यात एका शतकाचा समावेश होता. त्याचे शतक सोडून त्याला ९ सामन्यात केवळ ९० धावा करता आल्या. अशाप्रकारे १३.२५ कोटींना विकल्या गेलेल्या ब्रूकच्या एका रनची हैदराबादला सुमारे ७ लाख किंमत मोजावी लागली.
गोलंदाजीत रायडर चालला नाही
![गोलंदाजीत रायडर चालला नाही](https://static.langimg.com/thumb/100671792/maharashtra-times-100671792.jpg?width=680&resizemode=3)
वेगवान गोलंदाज शार्दुल ठाकूर कोलकाता नाईट रायडर्ससाठी तोट्याचा सौदा ठरला. KKR ने शार्दुलला १०.७५ कोटींना विकत घेतले पण १६ व्या मोसमात तो ११ सामन्यात फक्त ७ विकेट घेऊ शकला. अशाप्रकारे केकेआरसाठी शार्दुलच्या एका विकेटची किंमत १.५३ कोटी आहे.
मुंबई इंडियन्ससाठी ठरला कर्दनकाळ
![मुंबई इंडियन्ससाठी ठरला कर्दनकाळ](https://static.langimg.com/thumb/100671789/maharashtra-times-100671789.jpg?width=680&resizemode=3)
मुंबईसाठी जोफ्रा आर्चरची अवस्थाही अशीच होती. आर्चरला मुंबईने १० कोटींना आपल्या संघात घेतले. मात्र, दुखापतीमुळे तो केवळ ५ सामने खेळला ज्यात त्याला २ विकेट मिळाल्या. अशाप्रकारे १६व्या मोसमात आर्चरच्या एका विकेटसाठी मुंबईला ५ कोटी रुपये मोजावे लागले.
लखनौसाठी मोठी कामगिरी नाही
![लखनौसाठी मोठी कामगिरी नाही](https://static.langimg.com/thumb/100671787/maharashtra-times-100671787.jpg?width=680&resizemode=3)
लखनौचा आवेश खानही त्याच्या रकमेनुसार कामगिरीला न्याय देऊ शकला नाही. लखनौने आवेश खानला १० कोटींमध्ये रिटेन केले होते पण तो १६व्या सीझनमध्ये खराब फ्लॉप झाला. त्याला ९ सामन्यात केवळ ८ विकेट घेता आल्या. अशाप्रकारे, त्याच्या एका विकेटची किंमत लखनौसाठी १.२५ कोटी आहे.
आयपीएल २०२३
![आयपीएल २०२३](https://static.langimg.com/thumb/100671784/maharashtra-times-100671784.jpg?width=680&resizemode=3)
आयपीएल २०२३ मध्ये फेल ठरलेले हे खेळाडू पुढील वर्षी कोणत्या संघांमधून खेळणार हे पाहणं अधिक उत्सुकतेचे ठरणार आहे.
[ad_2]