[ad_1]
( प्रगत भारत । pragatbharat.com)
गुजरात टायटन्सचा सलमीवीर शुभमन गिलने १७ सामन्यात ५९.३३च्या सरासरीने ८९० धाा केल्या. या हंगामात त्याच्या नावावर ३ षटक आणि ४ अर्धशतक आहेत. लीगमध्ये सर्वाधिक धावा करून ऑरेंज कॅप त्याने मिळवली. पण या कामगिरीनंतर देखील गुजरातला विजेतेपद मिळू शकले नाही.
MS Dhoni: धोनी मुंबई इंडियन्सकडून खेळत असता; IPLच्या एका नियमामुळे MSD चेन्नईचा झाला
आयपीएलच्या इतिहासात एक अजब योगायोग आहे. जो खेळाडू ऑरेंज कॅप जिंकतो त्याचा संघ शक्यतो विजेता होत नाही. आतापर्यंत झालेल्या हंगामात १६ पैकी फक्त २ वेळा असे झाले आहे की ज्या खेळाडूने ऑरेंज कॅप मिळवली त्याच्या संघाने विजेतेपद मिळवले. अन्य १४ हंगामात ऑरेंज कॅप मिळवणाऱ्याला विजेतेपद मिळू शकले नाही. यामुळे असे ही म्हटले जाते की, आयपीएलमधील ऑरेंज कॅप लकी नाही. शुभमन गिलसोबत यावेळी असेच काही झाले. संपूर्ण हंगामात दमदार कामगिरी करणाऱ्या गुजरातचा संघ फायनलमध्ये पराभूत झाला.
IPLच्या विक्रमी विजेतेपदानंतर धोनीच्या हातात श्री भगवद्‌गीता; चेहऱ्यावरील चमक सांगून जाते…
आयपीएलच्या इतिहासात ऑरेंज कॅप आणि ट्रॉफी जिंकणारे खेळाडू दोन होते. सर्वात पहिला खेळाडू म्हणजे रॉबिन उथप्पा होय. ज्याने २०१४च्या हंगामात कोलकाता नाईट रायडर्सकडून खेळताना ६६० धावा केल्या होत्या. तेव्हा केकेआरने विजेतेपद देखील मिळवले होते. त्यानंतर ऋतुराज गायकवाडने अशी कामगिरी केली. ऋतुराजने २०२१च्या हंगामात चेन्नईकडून ६३५ धावा केल्या आणि त्याच वर्षी सीएसकेने विजेतेपद देखील मिळवले होते. ऑरेंज कॅप आणि आयपीएल ट्रॉफी जिंकण्याचा विक्रम या दोघांच्या नावावर आहे.
WTC फायनलमध्ये भारताविरुद्ध आमचा पराभव होईल; ओव्हलवर दाणादाण उडेल, ऑस्ट्रेलियाला वाटते भीती
फक्त ऑरेंज कॅप नाही तर स्पर्धेच्या इतिहासात असे देखील झाले आहे की जो संघ क्वॉलिफायर १ ची मॅच जिंकतो त्याच संघाने १२ पैकी ९ वेळा विजेतेपद मिळवले आहे. इतक नाही तर धोनीबाबत असा एक योगायोग आहे की, जेव्हा जेव्हा फायनल किंवा नॉकआउट मॅचमध्ये पाऊस पडतो तेव्हा तेव्हा धोनीने विजय मिळवला आहे. आयपीएल २०२३च्या फायनलमध्ये ही गोष्ट पुन्हा एकदा स्पष्ट झाली.
आयपीएलच्या या हंगामात सर्वाधिक १२ शतकं झळकावण्यात आली. स्पर्धेच्या इतिहासात आजवर एका हंगामात इतकी शतक कधीच झाली नव्हती. यातील ३ शतक गिलच्या बॅटमधून आलीत.
[ad_2]
