Odisha Train Accident Coromondel Express Hit Goods Train Near Bahanaga Station Balasore; ओदिशात भीषण रेल्वे अपघात, एक्स्प्रेस-मालगाडीची धडक

[ad_1]

( प्रगत भारत । pragatbharat.com)

बालासोर: ओडिशाच्या बालासोर जिल्ह्यातील बहनगा रेल्वे स्थानकाजवळ एका एक्स्प्रेस ट्रेनचा भीषण अपघात झाला. येथील बहनागा स्थानकाजवळ कोरोमंडल एक्स्प्रेस आणि मालगाडीची समोरासमोर जोरदार धडक झाली. ही टक्कर इतकी जोरदार होती की कोरोमंडल एक्स्प्रेस रुळावरून घसरली. एक्स्प्रेसचे अनेक डबे मालगाडीवर चढले. या घटनेत आतापर्यंत १३२ जण जखमी झाल्याची माहिती आहे.

मिळालेल्या माहितीनुसार, बालासोरच्या बहनगा परिसरात आज संध्याकाळी कोरोमंडल सुपरफास्ट एक्स्प्रेस ट्रेनची मालगाडीला धडक बसली. यामध्ये कोरोमंडलचे १० ते १२ डबे रुळावरून घसरले आहेत. या दुर्घटनेत अनेकांचा मृत्यू झाल्याची भीती व्यक्त केली जात आहे. त्याचवेळी रेल्वेच्या उलटलेल्या डब्यात अनेक प्रवासी अडकल्याचीही बाब समोर येत आहे. सध्या या मार्गावरील सर्व गाड्या थांबवण्यात आल्या आहेत. त्याचवेळी प्रशासनाने अपघाताबाबत आपत्कालीन नियंत्रण कक्ष क्रमांक 6782262286 जारी केला आहे.
या घटनेनंतर शोध आणि बचाव कार्यासाठी पथकं घटनास्थळी रवाना झाली आहेत. जिल्हाधिकारी, बालासोर यांना देखील सर्व आवश्यक व्यवस्था करण्यासाठी घटनास्थळी पोहोचण्याचे आणि राज्य स्तरावरून अतिरिक्त मदतीची आवश्यकता असल्यास SRC ला कळवण्याचे निर्देश देण्यात आले आहेत. स्थानिक अधिकारी, पोलिस आणि रेल्वेने युद्धपातळीवर बचावकार्य सुरू केले आहे.
हावडाहून चेन्नईला जात होती

कोरोमंडल सुपरफास्ट एक्स्प्रेस ट्रेन हावडाहून चेन्नईला जात होती. ही गाडी बालेश्वरहून सायंकाळी ६.३२ वाजता सुटली. ०७:३२ वाजता भद्रक रेल्वे स्थानकावर पोहोचणार होती. मात्र, वाटेतच ट्रेनला भीषण अपघात झाला. आधी या ट्रेनचे डबे रुळावरुन घसरले मग येणाऱ्या मालगाडीची आणि एक्स्प्रेस ट्रेनची धडक होऊन ही भीषण घटना घडल्याची माहिती आहे.

बस अर्ध्यापर्यंत कापली गेली, बुलढाणा अपघातात ६ जणांनी गमावले प्राण

१५ रुग्णवाहिका घटनास्थळी

अतिरिक्त डीएमईटीने सांगितले की आम्ही १५ रुग्णवाहिका घटनास्थळी रवाना केल्या आहेत. अपघातात जखमी झालेल्या रुग्णांना सोरो सीएचसीमध्ये हलवण्यास सुरुवात झाली आहे.

ओदिशा अपघाताने व्यथित झालोय, पंतप्रधान नरेंद्र मोदींचं ट्वीट

[ad_2]