[ad_1]
( प्रगत भारत । pragatbharat.com)
India vs Pakistan Hockey Final : आशियामध्ये भारतीय हॉकी (India Hockey Team) संघाचा दबदबा कायम आहे. भारतीय ज्युनियर हॉकी (Junior India Hockey) संघाने ऐतिहासिक कामगिरी केली आहे. पाकिस्तानचा पराभव करत भारताने एशिया कपवर (Junior Asia Cup Hockey) नाव कोरलं आहे. भारतीय ज्युनियर पुरुष संघाने अंतिम सामन्यात पाकिस्तानचा पराभव केला. टीम इंडियाने चौथ्यांदा हॉकी ज्युनियर आशिया कप (Junior Mens Asia Cup Hockey 2023) वर नाव कोरलं आहे. ज्युनियर आशिया कप हॉकीच्या अंतिम सामन्यात भारतीय संघाने दमदार खेळ दाखवला. भारतीय हॉकी संघाने विजेतेपदाच्या लढतीत पाकिस्तानचा 2-1 असा पराभव केला. हा सामना जिंकून भारतीय संघाने इतिहास रचला आहे.
सर्वाधिक वेळा आशियाई विजेतेपद पटकावणारा संघ
ओमानमधील सलालाह येथे सुरू असलेल्या ज्युनियर आशिया चषक हॉकी स्पर्धेत भारतीय संघाने नवा इतिहास रचला आहे. ज्यूनियर हॉकी आशिया चषकाच्या अंतिम फेरीत भारतीय हॉकी संघाची लढत पाकिस्तानशी झाली. हा सामना जिंकून भारतीय संघाने इतिहास रचला आहे. या विजयासह ज्युनियर हॉकी भारतीय संघ सर्वाधिक वेळा आशियाई विजेतेपद पटकावणारा संघ बनला आहे. यामध्ये भारतीय संघाने 3 वेळा विजेतेपद पटकावणाऱ्या पाकिस्तानचा पराभव केला आहे.
टीम इंडिया विश्वकपसाठी पात्र
गुरुवारी, 1 जून झालेल्या ज्युनियर आशिया चषक हॉकी स्पर्धेच्या अंतिम सामन्यात भारतीय संघाने 2-1 असा दणदणीत विजय मिळवला. हॉकी ज्युनियर आशिया कप जिंकणारा भारतीय संघ आता मलेशियामध्ये होणाऱ्या आंतरराष्ट्रीय हॉकी फेडरेशनच्या (FIH) पुरुष ज्युनियर विश्वचषकासाठीही पात्र ठरला आहे.
8 वर्षांनंतर ज्युनियर आशिया कपचं आयोजन
यंदा तब्बल आठ वर्षानंतर ज्युनियर आशिया कपचं आयोजन करण्यात आलं होतं. 2015 मध्ये शेवटचा ज्युनियर आशिया कप खेळवण्यात आला होता, त्यावेळीही भारत विजेता होता. भारताने आतापर्यंत 2004, 2008 आणि 2015 मध्ये आशिया कप हॉकीचे विजेतेपद पटकावलं होतं. त्यानंतर आता भारताने विक्रमी चौथ्यांदा ही कामगिरी केली आहे. पाकिस्तानने 1987, 1992 आणि 1996 अशी तीन वेळा ही स्पर्धा जिंकली आहे.
संघातील प्रत्येक खेळाडूला 2-2 लाख रुपये
यासाठी हॉकी इंडियाच्या कार्यकारी मंडळाने संघातील भारतीय ज्युनियर हॉकी संघातील खेळाडूंना प्रत्येकी दोन लाख रुपये आणि सपोर्ट स्टाफला प्रत्येकी एक लाख रुपये देण्याची घोषणा केली आहे.
महत्त्वाच्या इतर बातम्या :
[ad_2]
