Oneplus 12 and OnePlus 12R goes on first sale with discount offers here is how to avail benefits Know All Details Marathi News

OnePlus 12 : मुंबई : लोकप्रिय स्मार्टफोन ब्रँड OnePlus कडून नवाकोरा OnePlus 12 फ्लॅगशिप फोन भारतीय बाजारात लॉन्च करण्यात आला आहे. साधारणतः एका आठवड्यापूर्वी लॉन्च करण्यात आलेल्या स्मार्टफोनची विक्री आजपासून सुरू होणार आहे. कंपनीचं सर्वात पॉवरफुल डिव्हाईस म्हणून, हा वनप्लस 12 स्मार्टफोन सीरिजची चर्चा गॅझेटप्रेमींमध्ये रंगल्याचं पाहायला मिळत आहे. वनप्लस 12 दमदार फिचर्ससह युजर्सच्या भेटीसाठी आला आहे. दमदार परफॉर्मन्स आणि हायटेक कॅमेऱ्यासाठी युजर्समध्ये लॉन्चिंगपूर्वीपासूनच याची क्रेझ पाहायला मिळाली होती. असं असलं तरीदेखील पहिल्या सेलमध्येच वनप्लसवर कंपनीकडून बक्कळ डिस्काउंट देण्यात आला आहे. स्मार्टफोन Qualcomm Snapdragon 8 Gen 3 प्रोसेसर आणि फ्लॅगशिप कॅमेरासह भारतात लॉन्च करण्यात आला आहे. 

नवा OnePlus फ्लॅगशिप फोन कंपनीची अधिकृत वेबसाईट आणि ऑफलाईन स्टोअर तसेच ऑनलाईन शॉपिंग साईट Amazon वरून खरेदी केला जाऊ शकतो. या स्मार्टफोनची विक्री आज 30 जानेवारी रोजी दुपारी 12 वाजता सुरू झाली आहे, आणि बँक ऑफर्स व्यतिरिक्त त्यावर एक्सचेंज डिस्काउंट देखील युजर्सना मिळणार आहे. OnePlus 12 सह लॉन्च करण्यात आलेला, OnePlus 12R ही बाजारात आजपासून उपलब्ध करुन देण्यात येणार असून 6 फेब्रुवारीपासून याची बाजारात विक्री सुरू होईल. वनप्लस 12 सीरिजमधील OnePlus 12R हा एक बजेट स्मार्टफोन असणार आहे. 

OnePlus 12 ची किंमत आणि डिस्काउंट 

भारतीय बाजारात OnePlus 12 ची सुरुवातीची किंमत त्याच्या 12GB रॅम आणि 256GB व्हेरिएंटसाठी 64,999 रुपये ठेवण्यात आली आहे. तर 16GB रॅम आणि 512GB स्टोरेज व्हेरिएंटची किंमत 69,999 रुपये आहे. पहिल्या सेल दरम्यान, तुम्हाला ICICI बँक कार्ड किंवा OneCard क्रेडिट कार्डद्वारे पेमेंट केल्यास 2 हजार रुपयांची झटपट सूट मिळेल.

जर तुमच्याकडे जुना स्मार्टफोन असेल, तर वनप्लस 12 घेताना तुम्हाला मोठं डिस्काउंट मिळू शकतं. मात्र, याबाबत कंपनीनं एक अट घातली आहे. तुम्ही बँक ऑफर आणि एक्सचेंज डिस्काउंटमध्ये केवळ एकच ऑफर घेऊ शकणार आहात. OnePlus 12 सिल्की ब्लॅक आणि फ्लोई एमरल्ड अशा दोन कलर ऑप्शन्समध्ये उपलब्ध होणार आहे. 

OnePlus 12 चे स्पेसिफिकेशन्स 

OnePlus 12 स्मार्टफोन 6.82 इंचाचा OLED डिस्प्ले 120Hz रिफ्रेश रेट सपोर्ट, Dolby Vision आणि 4500nits च्या पीक ब्राईटनेससोबत मिळतो आणि यावर गोरिला ग्लास विक्टस 2 ची सुरक्षा देण्यात आली आहे. Qualcomm Snapdragon 8 Gen 3 प्रोसेसर व्यतिरिक्त यामध्ये वेपर-चेंबर कूलिंग सिस्टिम मिळतो. फोनच्या ट्रिपल कॅमेरा सेटअपमध्ये 50MP Sony LYT-808 प्रायमरी सेंसरसह 64MP 3x पेरीस्कोप टेलीफोटो कॅमरा आणि 48MP अल्ट्रा-वाइट सेंसर मिळतो. 

32MP सेल्फी कॅमरा असणाऱ्या या स्मार्टफोनमध्ये Android 14 वर आधारित OxygenOS 14 सॉफ्टवेयर स्क्रिन मिळणार आहे. OnePlus 12 मध्ये 5400mAh ची बॅटरी देण्यात आली आहे. त्यासोबत 5400mAh आणि 50W वायरलेस फास्ट चार्जिंग सपोर्ट मिळणार आहे. त्यासोबतच 10W रिवर्स वायरलेस चार्जिंगचा फायदाही मिळणार आहे. 

अधिक पाहा..