[ad_1]
( प्रगत भारत । pragatbharat.com)
पुणे : प्रतिस्पर्धी कंत्राटदाराचा काटा काढण्यासाठी पुण्यातील एका नामांकित कंपनीच्या कॅन्टीनमध्ये समोश्यात (Samosa) कंडोम (Condom) टाकल्याचा (Pune Crime News) किळसवाणा प्रकार आढळून आला आहे. कॅन्टीनचे (Canteen) कंत्राट दुसऱ्या ठेकेदाराला मिळाले, ते परत आपल्याला मिळावे. या हेतुपूर्वक हा कट रचण्यात आला होता, अशी माहिती पोलिसांनी दिली आहे. हा प्रकार पाहून सगळेच चक्रावले होते.
नेमकं काय घडलं?
एका नामांकित कंपनीच्या कॅन्टीनमध्ये समोश्यात कंडोम आढळलं. हा किळसवाणा प्रकार जाणीवपूर्वक करण्यात आल्याचं आता पोलीस तपासात निष्पन्न झालं आहे. कॅन्टीनचे कंत्राट दुसऱ्या ठेकेदाराला मिळाले, ते परत आपल्याला मिळावे. या हेतुपूर्वक हा कट रचण्यात आला होता. संडोमसह तंबाखु जन्य पदार्थ आणि दगडं ही आढळली आहेत. याप्रकरणी एका कामगाराला चिखली पोलिसांनी अटक केली आहे.
बँडेज पट्टी आढळल्यानं केलं होतं कॉन्ट्रॅक्ट रद्द
औंध येथील एका कंपनी खाद्यपदार्थ पुरवण्याचे ठेके घेते. पिंपरी चिंचवडमधील एका नामांकित कंपनीच कॅन्टीन तीच कंपनी चालवायची. या कंपनीने सुरुवातीला एसआरएस इंटरप्रायजेस कंपनीला ठेका दिला होता. मात्र त्यांनी पुरविलेल्या समोस्यामध्ये प्रथमोपचार पट्टी (बँडेज) आढळली, त्यामुळं समोसा पुरविण्याचा त्यांचा करार रद्द करण्यात आला. त्यांच्याजागी मनोहर इंटरप्रायजेस या कंपनीसोबत करार करण्यात आला.
समोसे नामांकित कंपनीच्या कॅन्टीनमध्ये पोहचले अन्…
ही बाब एसआरएस कंपनीच्या मालकांना समजली. मग रहीम शेख, अझर शेख आणि मजहर शेख या तिन्ही मालकांनी एक कट रचला. या कटात कामगार फिरोज शेख आणि विक्की शेख यांना सहभागी करून घेतलं. या दोघांना विश्वासात घेत आरोपी मालकांनी त्यांना मनोहर इंटरप्रायजेस या कंपनीत कामाला पाठवले. या दोन्ही कामगारांनी एसआरएस कंपनी मालकांनी रचलेला कट आखला आणि समोस्यात कंडोम, तंबाखूजन्य पदार्थ आणि दगडं टाकली. हे समोसे त्या नामांकित कंपनीच्या कॅन्टीनमध्ये पोहचले. कामगार नेहमीप्रमाणे कॅन्टीनमध्ये समोसा खाण्यासाठी आले, तेव्हा हा धक्कादायक आणि किळसवाणा प्रकार समोर आला. याप्रकरणी औंध येथील खाद्य पुरवठा करणाऱ्या कंपनीच्या मॅनेजरने गुन्हा दाखल केला. त्यानुसार चिखली पोलिसांनी फिरोज या कामगाराला अटक केली असून इतरांचा शोध सुरू आहे.
इतर महत्वाची बातमी-
Nilesh Ghaiwal : परेड काढली, दम दिला तरीही अरेरावी संपेना; गुंड निलेश घायवळला पोलिसांचा पुन्हा दणका, पुण्यातील रस्त्यावर नेमकं काय घडलं?
Pune Crime News : अभी पार्टी बंद है! पुण्यातील प्रसिद्ध पबवर पोलिसांची धडक कारवाई
अधिक पाहा..
[ad_2]
