[ad_1]
( प्रगत भारत । pragatbharat.com)
चेतन शर्मा यांचे स्टिंग ऑपरेशन करण्यात आले. त्यानंतर त्यांनी बीसीसीआयच्या निवड समिती अध्यक्षपदाचा राजीनामा दिला. त्यामुळे आता हे पद रिकामी आहे. सध्याच्या घडीला हे पद उत्तर विभागाला मिळू शकते. पण उत्तर विभागातून एकाही खेळाडूने अर्ज केला नाही आणि त्यामुळे उत्तर विभागाचा अध्यक्ष होऊ शकत नाही. त्यामुळे आता अजित आगरकरने जर या पदासाठी अर्ज केला तर तो नक्कीच निवड समितीचा अध्यक्ष होऊ शकतो. ही गोष्ट अजितलाही माहिती होती. पण त्यापूर्वी त्याने बीसीसीआयपुढे एक अट ठेवली होती. या अटीवर बीसीसीआयने काही वेळ विचार केला आणि अखेर अजितला आश्वासन देण्यात आले आहे. त्यामुळे बीसीसीआयने आश्वासन दिल्यावरच अजितने या पदासाठी अर्ज केल्याचे समोर आले आहे.
अजित हा यापूर्वी दिल्ली कॅपिटल्स या संघासाठी सहाय्यक प्रशिक्षक म्हणून काम पाहत होता. जर अजितला निवड समितीमध्ये यायचे असेल तर त्याला या पदाचा राजीनामा द्यावा लागेल. त्यामुळे दिल्ली कॅपिटल्सकडून मिळणारी रक्कम ही निवड समिती अध्यक्षाच्या पगारापेक्षा जास्त होती. त्यामुळे निवड समिती अध्यक्षाचा पगार वाढवण्यात यावा, अशी मागणी अजितने बीसीसीआयकडे केली होती. या मागणीवर बीसीसीआयने काही काळ विचार केला आणि आता त्याची ही मागणी मान्य केली आहे. त्यामुळे आता यापुढे निवड समिती अध्यक्षाला दुप्पट पगार मिळणार असल्याचे समोर येत आहे. बीसीसीआयने हे आश्वासन अजितला दिले आणि त्यानंतर त्याने या पदासाठी अर्ज केला आहे.
अजितच्या मागणीवर बीसीसीआयने विचार करून झाल्यावर त्याला आश्वासन दिले आहे. बीसीसीआयने अजितला नेमकं कोणतं आश्वासन दिले आहे, हेदेखील समोर आले आहे.
[ad_2]
