[ad_1]
( प्रगत भारत । pragatbharat.com)
शुभमन गिलचा व्हिडिओ
भारतीय संघाचा युवा फलंदाज शुभमन गिल हा बहुतांशी क्रिकेटच्या मैदानावर गंभीर असतो. गिल त्याच्या खेळावर खूप लक्ष केंद्रित करतो. मात्र कॅरेबियन देशात गेल्यानंतर तोही स्वत:ला रोखू शकला नाही. भारतीय संघ डोमिनिका येथे वेस्ट इंडिज विरुद्ध पहिला कसोटी सामना खेळत आहे. सामन्याच्या पहिल्या दिवशी भारतीय संघाने वेस्ट इंडिजला ऑल आऊट केले. या सामन्याच्या पहिल्या डावात भारतीय संघ गोलंदाजी करत असताना गिल सिली पॉइंटवर क्षेत्ररक्षण करत होता. षटकाच्या मध्यावर मैदानावर गाणी वाजू लागली.
शुभमन गिल काही स्वतःला रोखू शकला नाही आणि जागीच त्याचे पाय थिरकायला लागले. ६३ व्या षटकात दोन फलंदाज चर्चा करत असताना इथे शुभमन गिल मात्र नाचत होता. त्याच्या बाजूला असलेल्या विराट कोहलीने त्याच्याकडे बघून दुर्लक्ष केलं. याचा व्हिडीओ सोशल मीडियावर चांगलाच व्हायरल झाला आहे.
पहिल्या कसोटीच्या पहिल्या डावात वेस्ट इंडिजचा संघ अवघ्या १५० धावांत गारद झाला. सामन्याच्या पहिल्या दिवशी चहापानाच्या टी-ब्रेक विश्रांतीनंतर भारतीय गोलंदाजांनी वेस्ट इंडिजला ऑल आऊट केले. वेस्ट इंडिजकडून अॅलिक एथनाजने सर्वाधिक ४७ धावांचे योगदान दिले. एथनाजचा हा पदार्पणाचा सामना होता. भारतासाठी फिरकी गोलंदाजांनी अप्रतिम कामगिरी कामगिरी केली. रवींद्र जडेजाने ३ तर अश्विनने ५ फलंदाजांना बाद केले. पहिल्या दिवसाचा खेळ संपेपर्यंत भारताने ८० धावा केल्या आहेत. संघात रोहित शर्मा आणि यशस्वी जैस्वाल हे दोन्ही सलामीवीर अजूनही क्रीजवर आहेत. वेस्ट इंडिजकडे आता पहिल्या डावात केवळ ७० धावांची आघाडी आहे.
[ad_2]