[ad_1]
( प्रगत भारत । pragatbharat.com)
RCB vs GT, Josh Hazlewood Ruled Out : आयपीएल 2023 (IPL 2023) च्या प्लेऑफमध्ये स्थान मिळवण्यासाठी रॉयल चॅलेंजर्स बंगळुरु (RCB) संघाला गुजरात टायटन्स (GT) विरुद्धच्या सामन्यात कोणत्याही परिस्थितीत विजय मिळवावा लागेल. आरसीबी संघ सध्या ‘करो या मरो’ च्या सध्याच्या परिस्थितीत असताना आजच्या सामन्यापूर्वी संघासाठी एक वाईट बातमी समोर आली आहे. मीडिया रिपोर्टनुसार, आरसीबीचा स्टार गोलंदाजाला दुखापत झाली आहे.
आरसीबीच्या स्टार गोलंदाज दुखापतग्रस्त
क्रिकबझच्या रिपोर्टनुसार, रॉयल चॅलेंजर्स बंगळुरु संघाचा स्टार वेगवान गोलंदाज जोश हेजलवूड (Josh Hazlewood) दुखापतग्रस्त झाला आहे. यामुळे तो गुजरात टायटन्सविरुद्धच्या सामन्यात खेळणार नाही. हेजलवूडच्या पायाच्या घोट्याला दुखापत झाली आहे. आरसीबीचे संचालक माईक हेसन यांनी याबाबत माहिती देताना सांगितलं की, हेजलवूड मायदेशी परतणार आहे. त्यामुळे प्लेऑफआधीच्या महत्त्वाच्या सामन्याला हेजलवुड मुकणार आहे.
जोश हेजलवुड आयपीएलमधून बाहेर
आता या स्टार वेगवान गोलंदाजाचे प्लेऑफपूर्वी बाहेर पडणं आरसीबीसाठी मोठा धक्का आहे. दुखापतीमुळे जोश हेजलवुड आता आयपीएलमधून बाहेर पडला आहे. तो उपचारासाठी मायदेशी परतणार आहे.
आरसीबीसमोरच्या अडचणी वाढत्याच
एकीकडे सामन्यावर पावसाचं सावट आहे आणि त्यात दुसरीकडे आता आरसीबीचा स्टार गोलंदाज जोश हेजलवुड आयपीएलमधून बाहेर पडल्याने रॉयल चॅलेंजर्स बंगळुरु संघासमोरील अडचणी वाढताना दिसत आहेत.
मुंबई आणि बंगळुरुमध्ये चढाओढ
आयपीएल 2023 स्पर्धा सध्या शेवटच्या टप्प्यात पोहोचली आहे. गुजरात टायटन्स, चेन्नई सुपर किंग्स आणि लखनौ सुपर जायंट्स हे संघ आयपीएल 2023 च्या प्लेऑफसाठी पात्र ठरले आहेत. मुंबई इंडियन्स आणि आरसीबी यांच्यात प्लेऑफमधील शेवटच्या स्थानासाठी चढाओढ सुरू आहे. आज, 21 मे रोजी आरसीबीचा शेवटचा साखळी सामना गुजरात टायटन्सशी होणार आहे. हा सामना आरसीबीसाठी प्लेऑफमध्ये पोहोचण्याच्या दृष्टीने खूप महत्त्वाचा आहे. त्याआधी हेजलवुड बाहेर गेला आहे.
आरसीबी संघाच्या चिंतेत वाढ
जोश हेझलवूडला आरसीबी (RCB) संघाने आयपीएल 2022 च्या मेगा लिलावात 7.7 कोटी रुपयांना विकत घेतलं. आयपीएल 2022 मध्ये त्याने आरसीबीसाठी 12 सामन्यात 20 विकेट घेतल्या. यानंतर, आयपीएल 2023 च्या सुरुवातीला तो दुखापतीमुळे खेळू शकला नाही. त्याने 1 मे रोजी आयपीएल 2023 मध्ये पहिला सामना लखनौ सुपर जायंट्स विरुद्ध खेळला. मात्र आता तो पुन्हा जखमी होताच आरसीबीच्या अडचणी वाढल्या आहेत.
महत्त्वाच्या इतर बातम्या :
[ad_2]
