[ad_1]
( प्रगत भारत । pragatbharat.com)
विदीतने सलग दोन जागतिक स्पर्धांमध्ये उपविजेत्या राहिलेल्या निपोमिशी याला जलद डावांच्या टायब्रेकरमध्ये ४-२ असे पराभूत केले. या लढतीमधील पहिले दोन क्लासिकल डाव बरोबरीत सुटले होते. अर्ध्या तासांचे दोन जलद डाव बरोबरीत सुटले. त्यानंतर बरोबरीची कोंडी सोडवण्यासाठी प्रत्येकी १५ मिनिटांचे दोन डाव खेळवण्यात आले. हे दोन्ही डाव विदीतने जिंकले. इयानने या वर्षी डिंग लिरेनविरुद्ध जगज्जेतेपदाची लढत खेळली होती. लिरेनने इयानला हरवून जगज्जेतेपद मिळवले होते. विदीतची आता अझरबैझानच्या निजात अॅबासोव याच्याविरुद्ध होईल. अॅबासोवने सालेह सालेम याला हरवून उपांत्यपूर्व फेरीत प्रवेश केला होता.
भारताच्या डी. गुकेश मॅग्नस कार्लसनला आव्हान देईल. पाच वेळा जागतिक स्पर्धा जिंकलेल्या कार्लसनने जगज्जेतेपदाची स्पर्धा न खेळण्याचा निर्णय घेतला आहे. दरम्यान, आर. प्रज्ञानानंद आणि अर्जुन एरिगेसी यांच्यात अव्वल आठ खेळाडूंतील लढत होणार आहे. त्यामुळे एका भारतीयाचा उपांत्य फेरीतील प्रवेश निश्चित आहे. गुकेशने रविवारी चीनच्या वँग हाओ याला पराभूत केले होते, तर कार्लसनने वासीली इवानचूकीचा पाडाव केला.
ग्लोबल चेल लीगमध्ये गुकेश आणि कार्लसन हे एसजी अल्पाइन वॉरियर्स संघात होते. त्या वेळी कार्लसनने गुकेश हा उत्तम सहकारी असल्याचे सांगितले होते. गुकेशने गत वर्षी कार्लसनला मेल्टवॉटर आणि नॉर्वे ब्लिट्झ स्पर्धेत हरवले होते. यातील मेल्टवॉटर स्पर्धेतील विजय क्लासिकल प्रकारातील होता. कार्लसनला पराभूत करणारा गुकेश हा सर्वांत लहान खेळाडू आहे. क्लासिकल प्रकारात कार्लसनला हरवणे सोपे नाही. या प्रकारात कार्लसनकडून क्वचितच चुका होतात, हे गुकेशही जाणतो. या प्रकारात सलग १२५ सामन्यांत अपराजित राहण्याचा पराक्रम कार्लसनने केला आहे. गुकेशला कार्लसनसह सराव केल्याचा चांगला अनुभव आहे. त्याच्यावर लढतीच्या वेळी कोणतेही दडपण नसेल. कार्लसनला पराभूत करण्याचे आव्हान पेलण्याची गुकेशमध्ये नक्कीच क्षमता आहे.
[ad_2]
