Global Maharashtra News, कतारमध्ये दुमदुमला महाराष्ट्राचा आवाज; ढोल, ताशा, लेझीमच्या गजरात साजरा झाला ‘महाराष्ट्र दिन’ – qatar maharashtra mandal celebrated maharashtra day with enthusiasm in qatar

[ad_1]

( प्रगत भारत । pragatbharat.com)

दोहा (रोशन दलवाई यांजकडून):कतार महाराष्ट्र मंडळ कतारने दिनांक १ मे २०२३ रोजी दोहास्थित इंडियन कल्चरल सेंटरच्या अशोका हॉलमध्ये “महाराष्ट्र दिन” सोहळ्याचे आयोजन केले होते. या कार्यक्रमाला सुमारे तीनशेहून अधिक सदस्यांची उपस्थिती लाभली होती. आंतरराष्ट्रीय कामगार दिनाचे औचित्य साधून महाराष्ट्र मंडळ कतारने मराठी गरजू कामगारांसाठी ICBF कडून विमा पॉलिसी प्रायोजित केल्या त्याचे वाटपही या कार्यक्रमात संबंधितांना करण्यात आले.

या कार्यक्रमात बाजरी २०२३ च्या आंतरराष्ट्रीय वर्षाच्या निमित्ताने, समितीने समाजामध्ये जागरूकता वाढविण्यासाठी आणि त्यांचे फायदे अधोरेखित करण्यासाठी बाजरीपासून बनवलेल्या विविध वस्तूंचे दहा खाद्य स्टॉल लावले होते. त्याचीही प्रशंसा उपस्थित मान्यवरांकडून करण्यात आली.

Maharashtra Day in Qatar

कतारमध्ये महाराष्ट्र दिन साजरा

समिती सदस्यांतर्फे पारंपारिक वेशभूषेत ढोल, ताशा आणि लेझीमच्या गजरात पाहुण्यांचे स्वागत करण्यात आले, त्यासमयी वातावरण मंत्रमुग्ध करणारे होते. यावेळी प्रथमच ढोल, ताशा पथकाची स्थापना व उद्घाटन करण्यात आले.

महाराष्ट्र मंडळ कतारची वार्षिक सर्वसाधारण सभा संपन्न; नवीन कार्यकारिणीची घोषणा!
कतारमधील भारतीय दूतावासाच्या सांस्कृतिक आणि शिक्षण विभागाचे प्रथम सचिव आणि प्रवासी भारत सन्मान पुरस्कारप्राप्त सचिन संकपाळ यांच्या प्रमुख उपस्थितीत पार पडलेल्या या सोहळ्याला इतर संबंधित संस्थांचे अध्यक्ष, महाराष्ट्र मंडळाचे सल्लागार, मार्गदर्शक, माजी अध्यक्ष आणि इतर प्रादेशिक नेते यांचीही उपस्थिती लाभली होती.

Maharashtra Day in Qatar

कतारमध्ये महाराष्ट्र दिन साजरा

उपस्थित मान्यवरांचे शाल, मानचिन्ह देऊन स्वागत व सत्कार केल्यानंतर महाराष्ट्र राज्यगीत “गर्जा महाराष्ट्र माझा”या समूहगीतापासून सुरुवात करून दिंडी, भारुड, पोवाडा आणि कथ्थक नृत्य यांसारखे पारंपारिक सांस्कृतिक नृत्य प्रकार या कार्यक्रमात सादर करण्यात आले. सादरीकरणाने कार्यक्रमाची रंगत वाढविली. यावेळी सादर करण्यात आलेली सारी नृत्ये चित्तवेधक आणि वातावरण भारावून टाकणारी होती.

Bharat Ratna Lata Mangeshkar: लतादिदींना दोहावासियांकडून संगीतमय श्रद्धांजली
विशेष म्हणजे फेसबुक, यू ट्यूब चॅनल यांसारख्या सोशल मीडिया प्लॅटफॉर्मवरून या कार्यक्रमाचे थेट प्रक्षेपण करण्यात आले. महाराष्ट्र मंडळ समितीचे अध्यक्ष राकेश वाघ यांनी व्यवस्थापन समितीने या सांस्कृतिक कार्यक्रमाला भव्य यश मिळवून देण्यासाठी परिश्रम घेतले. तसेच जास्तीत जास्त संख्येने उपस्थित राहून कार्यक्रमात मोठ्या उत्साहाने आणि आवेशाने सहभाग घेतला त्यांच्याप्रती मनापासून कृतज्ञता व्यक्त केली.

Maharashtra Day in Qatar

कतारमध्ये महाराष्ट्र दिन साजरा

तत्पूर्वी सचिन संकपाळ, प्रथम सचिव, यांनीही उपस्थितांना संबोधित करताना आपण हा कार्यक्रम पाहून भारावून गेलो असल्याचे प्रतिपादन केले. तसेच हा कार्यक्रम अत्यंत उत्तम प्रकारे आयोजित केल्याबद्दल मंडळाचे अभिनंदन केले. तसेच महाराष्ट्र दिन तथा कामगार दिनाच्या उपस्थितांना त्यांनी शुभेच्छा दिल्या.

Maharashtra Day in Qatar

कतारमध्ये महाराष्ट्र दिन साजरा

अमेरिकेतही दुमदुमला शिवरायांचा जयजयकार! ‘राजा शिवछत्रपती’ कार्यक्रमातून शेकडोंनी घेतली प्रेरणा
महाराष्ट्र मंडळ कतार ही संस्था भारतीय सांस्कृतिक केंद्राच्या अंतर्गत येणारी सामाजिक संस्था आहे, जिचे ५०० हून अधिक सक्रिय सदस्य आहेत. नव्या पिढीच्या कलागुणांना वाव देऊन त्यांच्या सांस्कृतिक आणि सामाजिक संवेदना सजग करण्याचे कार्यही ही संस्था करते. सातासमुद्रा पलीकडे राहूनही आपल्या मातीशी नाळ घट्ट करून आपली संस्कृती जोपासण्याचे काम ही संस्था करते. ती कतारमधील भारतीय दूतावासाशी संलग्न आहे.

Maharashtra Day in Qatar

कतारमध्ये महाराष्ट्र दिन साजरा

[ad_2]

Related posts