[ad_1]
( प्रगत भारत । pragatbharat.com)
MNS Warned Seema Haider: पाकिस्तानातून भारतात आलेल्या सीमा हैदरला मनसे नेते अमेय खोपकर यांनी इशारा दिला आहे. सीमा हैदर आणि सचिन मीना (Sachin Meena) यांच्या लव्ह स्टोरीवर चित्रपट बनवला जात आहे, ज्यामध्ये सीमा हैदर देखील मुख्य भुमिकेत दिसणार आहे. परंतु हे सर्व नाटक त्वरित बंद करा, नाहीतर मनसेच्या कारवाईला सामोरं जावं लागेल, असा इशारा मनसे (MNS) नेते अमेय खोपकर (Amey Khopkar) यांनी दिला आहे.
सीमा हैदर (Seema Haider) तिचा प्रियकर सचिनला भेटण्यासाठी पाकिस्तानातून (Pakistan) अवैधरित्या भारतात आली आहे.
सीमा हैदरने सर्व नाटक बंद करावं, अन्यथा मनसेकडून कारवाईला सामोरं जावं, असा कडक इशारा मनसे नेते अमय खोपकर यांनी शनिवारी (12 ऑगस्ट) दिला. या दोघांच्या लव्ह स्टोरीवर चित्रपट निर्माते अमित जानी ‘कराची टू नोएडा’ हा चित्रपट बनवत आहेत, ज्याचे शूटिंग सुरू करण्यात आलं आहे.
सीमा हैदरच्या चित्रपटाला मनसेचा विरोध
अमेय खोपकर यांनी ट्विट करत म्हटलं आहे की, “कोणत्याही पाकिस्तानी नागरिकाला भारतीय चित्रपटसृष्टीत स्थान मिळू नये, या आमच्या भूमिकेवर आम्ही ठाम आहोत. पाकिस्तानी महिला सीमा हैदर सध्या भारतात आहे. ती ISI एजंट असल्याच्याही अफवा पसरल्या होत्या. आमच्या चित्रपटसृष्टीतील काही लोक प्रसिद्धी मिळवण्यासाठी सीमा हैदरला अभिनेत्री बनवण्याचा प्रयत्न करत आहेत.”
हे तमाशे ताबडतोब थांबवा – अमेय खोपकर
मनसे नेते अमेय खोपकर म्हणाले, या देशद्रोही लोकांना लाज कशी वाटत नाही? असे तमाशे ताबडतोब बंद करा, अन्यथा मनसेचा धडक कारवाईसाठी सज्ज राहा. ऐकलं नाही, तर राडा होईल असा जाहीर इशारा मनसेने दिला आहे.
सीमा-सचिनवर बनतोय चित्रपट
नुकताच एक व्हिडिओ व्हायरल झाला होता, ज्यामध्ये सीमा ‘कराची टू नोएडा’साठी ऑडिशन देताना दिसली होती. चित्रपटाचे निर्माते अमित जानी म्हणाले की, “आम्ही जगाला सांगू इच्छितो की PUBG खेळताना ही प्रेमकहाणी कशी सुरू झाली, सीमा भारतात कशी आणि का आली? हे आम्हाला आमच्या चित्रपटातून सांगायचं आहे आणि म्हणून आम्ही सीमा हैदरबद्दल माहिती गोळा करत आहोत.
पबजी खेळताना झाली होती भेट
पाकिस्तानी महिला सीमा हैदरने सांगितल्याप्रमाणे, कोरोना काळात PUBG गेम खेळताना ग्रेटर नोएडातील रबुपुरा भागात राहणाऱ्या 22 वर्षीय सचिन मीनाच्या प्रेमात सीमा पडली. सीमा आधीच विवाहित होती आणि तिच्यासोबत तिची चार मुलंही भारतात आली आहेत. सीमा आणि सचिनलाही बेकायदेशीरपणे भारतात आल्याबद्दल अटक करण्यात आली होती. मात्र, नंतर दोघांची जामिनावर सुटका झाली आहे.
हेही वाचा:
Film On Seema Haider And Sachin: रुपेरी पडद्यावर उलगडणार सीमा आणि सचिनची लव्ह स्टोरी; ‘कराची टू नोएडा’ च्या ऑडिशनला सुरुवात, व्हिडीओ व्हायरल
[ad_2]
