[ad_1]
( प्रगत भारत । pragatbharat.com)
पुणे : उपमुख्यमंत्री अजित पवार (Ajit Pawar) यांनी राष्ट्रवादीच्या पहिल्या उमेदवाराची (NCP Loksabha Candidate) घोषणा केली आहे. रायगडमधून महायुतीचा उमेदवार म्हणून सुनिल तटकरे (Sunil Tatkare) यांच्या नावाची घोषणा केली आहे. बाकी उमेदवारांची घोषणा 28 मार्चला करणार असल्याचं अजित पवार म्हणाले. त्यासोबतच बारामती लोकसभेच्या (Baramati Lok Sabha Election) उमेदवाराचा सस्पेंस कायम ठेवणार असल्याचंही ते म्हणाले. पण बारामतीचा उमेदवार तुमच्या मनातलाच असेल असं म्हणत त्यांनी सुनेत्रा पवार ( Sunetra Pawar) उमेदवार असल्याची शक्यता व्यक्त केली आहे.
बारामतीचा उमेदवार कोण?
बारामतीतील उमेदवार कोण असेल?, असं विचारलं असता अजित पवार म्हणाले की, बारामतीचा उमेदवार 28 तारखेला जाहीर करु. बारामतीच्या उमेदवारांचा सस्पेंस कायम ठेवणार आहे. माध्यमांत अनेक बातम्या फिरत आहे. त्या बातम्या पाहून सस्पेंस कायम ठेवला आहे. मात्र एक सांगतो. बारामतीतील उमेदवार तुमच्या मनातलाच असेल, असं सुचक वक्तव्यदेखील त्यांनी केली आहे.
अजित पवारांसोबतच्या राष्ट्रवादी आमदारांच्या बैठकीत नेमकं काय झालं?
आगामी लोकसभा निवडणुकांच्या पार्श्वभूमीवर अजित पवारांच्या उपस्थितीत पुण्यातील राष्ट्रवादी काँग्रेस पक्षाची बैठक पार पडली. या बैठकीत बारामती लोकसभेची जागा महायुतीत राष्ट्रवादी काँग्रेसचच लढवणार, असल्याचा ठराव एकमतानं मंजूर करण्यात आला. आजच्या पुण्यातील बैठकीत बारामती, शिरूर, सातारा ,धाराशिव, नाशिक, रायगड परभणी लोकसभा संदर्भात चर्चा झाली. परभणीचा उमेदवार दोन दिवसांत ठरणार असून महादेव जानकरांना पाठिंबा ही केवळ अफवा असून विरोधकानी पसरवली असल्याची माहिती सुनील तटकरेंनी दिली आहे. तसेच, बारामतीचा उमेदवार बदलणार नाही आणि विजय शिवतारे यांचा एकनाथ शिंदे निर्णय घेतील, असंही तटकरेंनी सांगितलं. बैठकीतील लेखाजोगा सांगताना सुनील तटकरेंनी यासंदर्भात माहिती दिली.
एनसीपीतील आमदारांना मतदारसंघाची जबाबदारी दिली आहे. प्रत्येक अमदरसोबत पाच ते सहा जण असतील, प्रचार नियोजन, महायुती उमेदवार तिथे समन्वयक ठरवण्यात आले आहेत. पाच टप्पे असून वेळ आहे त्याचा चांगला वापर करा. 28 पर्यंत अंतिम तारीख आहे, त्यामुळे सभा नियोजन करा, खोटा प्रचार रोखा, अशा सूचना बैठकीत आमदारांना देण्यात आल्याची माहिती समोर आली आहे.
इतर महत्वाची बातमी-
मोठी बातमी : अजित पवारांचा पहिला उमेदवार जाहीर, पुण्यात मोठी घोषणा
Shivaji Adhalrao Patil Join NCP :आढळराव पाटील आज हाताला धड्याळ बांधणार; शिरुरमध्ये घडामोडींना वेग
अधिक पाहा..
[ad_2]
