[ad_1]
( प्रगत भारत । pragatbharat.com)
BHANDARA CRIME NEWS : अंगाचा थरकाप उडविणारी घटना मध्यरात्री भंडारा जिल्ह्यात उघडकीस आली. भंडारा जिल्ह्यातील लाखनी तालुक्यातील गराडा शेतशिवारात एका तरुणाचा अर्धवट जळलेल्या अवस्थेतील मृतदेह आढळून आला. श्रीकांत हटवार (26) असं मृतकाचं नाव असून तो सावरी मुरमाडी इथला रहिवासी आहे. या तरुणाची अगोदर हत्या केली, त्यानंतर मृतदेह जाळून टाकून पुरावा नष्ट करण्याचा प्रयत्न आरोपीनं केला. मात्र, काही नागरिकांच्या ही बाब लक्षात येताच त्यांनी घटनास्थळी धाव घेत घटनेची माहिती लाखनी पोलिसांना दिली. या निर्घृण हत्येचं कारण अद्याप स्पष्ट झालं नसून पोलीस आरोपींचा शोध घेत आहे. मृतक श्रीकांत हा ॲट्रॉसिटीच्या एका प्रकरणात आरोपी असल्याची माहिती मिळत आहे.
[ad_2]