[ad_1]
( प्रगत भारत । pragatbharat.com)
मुलाची अवस्था पाहून डॉक्टरांनी त्याला रक्ताची गरज असल्याचं सांगितले. त्यानंतर मुलाच्या कुटुंबीयांनी रक्तासाठी धावपळ करण्यास सुरुवात केली. पण, रक्ताची व्यवस्था झाली नाही, त्यामुळे जिल्हा रुग्णालयात या मुलाचे कुटुंबीय रडत बसले होते. पोलिस चौकीत तैनात असलेल्या एका हवालदाराला हॉस्पिटलमध्ये या मुलाचे कुटुंबीय रडताना दिसले. त्यांना रडताना पाहून हवालदाराला खूप वाईट वाटलं. त्यानंतर त्याने रक्तदान करून या दीड वर्षांच्या बाळाचा जीव वाचवला.
NEET परीक्षेतील गुण पाहून निराश, चिठ्ठी लिहून घर सोडलं, २४ तासांत मुंबई पोलिसांनी शोधलं
मोतीपूर पोलीस स्टेशन हद्दीतील जालीम नगर गावातील रहिवासी अरविंद कुमार यांचा मुलगा आदित्य हा अनेक दिवसांपासून आजारी होता. त्याला प्राथमिक आरोग्य केंद्रातून जिल्हा रुग्णालयात रेफर करण्यात आले. अरविंद कुमार आपल्या दीड वर्षांच्या बाळाला उपचारासाठी एका खाजगी रुग्णालयात घेऊन गेले. तिथे डॉक्टरांनी सांगितले की बाळाच्या शरीरात फक्त सहा युनिट रक्त होते. त्याच्यासाठी एक युनिट रक्ताची गरज होती. यामुळे कुटुंबीयांनी त्याच्यासाठी रक्ताची सोय करण्याचा खूप प्रयत्न केला. पण, रक्ताची व्यवस्था होऊ शकली नाही. त्यामुळे कुटुंबीय रडायला लागले.
यानंतर हवालदार अखिलेश वर्मा हे घटनास्थळी पोहोचले. हवालदाराला वाटले की कदाचित बाईक चोरीला गेली असावी, म्हणूनच तो रडत असावा. तेव्हा हवालदाराने विचारले की बाईक चोरीला गेली आहे का, तेव्हा त्या बाळाच्या वडिलांनी रडत-रडत सांगितले की, आपल्या मुलाचे प्राण वाचवण्यासाठी एक युनिट रक्ताची गरज आहे. पण, त्याला रक्त मिळू शकत नाहीये. त्यावर हवालदार म्हणाला चला मी रक्त देतो.
जिल्हा रुग्णालयाच्या रक्तपेढीत पोहोचल्यानंतर हवालदाराने एक युनिट रक्त दिले आणि त्यानंतर बाळाला ते रक्त चढवण्यात आलं. हवालदाराच्या या कामाचे सहपोलीस कर्मचारी आणि इतरांकडून कौतुक होत आहे.
शेजारच्यांना एक संशय अन् पोलिसांनी स्मशानभूमीत जळता मृतदेह विझवला; भयंकर घटनेचा पर्दाफाश
[ad_2]
