Congress Siddaramaiah To Take Oath As Karnataka CM Tomorrow D K Shivakumar News; सिद्धरामय्या मुख्यमंत्रिपदाची शपथ घेणार, डी. के. शिवकुमारांचं काय होणार? कर्नाटकचा फॉर्म्युला ठरला

[ad_1]

( प्रगत भारत । pragatbharat.com)

नवी दिल्ली : कर्नाटकमध्ये भाजपच्या सत्तेला हादरा देत काँग्रेसने स्पष्ट बहुमत मिळवल्यानंतर आता राज्याला लवकरच नवा मुख्यमंत्री मिळणार आहे. काँग्रेसमधून मुख्यमंत्रिपदासाठी सिद्धरामय्या आणि डी. के. शिवकुमार या दोन नेत्यांमध्ये जोरदार रस्सीखेच सुरू आहे. अगदी निवडणूक लागल्यापासून सुरू असलेली ही अंतर्गत स्पर्धा आता ऐतिहासिक विजयानंतरही कायम असल्याचं चित्र आहे. दोन्ही नेत्यांची दिल्ली वारी सुरू असून मुख्यमंत्रिपदाची माळ गळ्यात पाडून घेण्यासाठी प्रयत्न केले जात आहेत. मात्र कर्नाटकच्या राजकारणातील कसलेले खेळाडू अशी ओळख असलेल्या सिद्धरामय्या यांनी या स्पर्धेत बाजी मारल्याची माहिती समोर आली आहे. असं असलं तरी काँग्रेस डी. के. शिवकुमार यांनाही नाराज करणार नसून या दोन्ही नेत्यांच्या मुख्यमंत्रिपदाच्या महत्त्वाकांक्षेच्या पूर्तीसाठी काँग्रेसने सुवर्णमध्य साधण्याचा प्रयत्न केला असून कर्नाटकमध्ये मुख्यमंत्रिपदाचा नवा फॉर्म्युला उदयास येणार आहे.काँग्रेसकडून कर्नाटकमध्ये सुरुवातीच्या दोन वर्षांसाठी पक्षसंघटनेवर पकड असलेल्या आणि जनतेत लोकप्रिय असणाऱ्या सिद्धरामय्या यांना मुख्यमंत्रिपदाची संधी दिली जाईल आणि त्यानंतर उर्वरित तीन वर्षांसाठी डी. के. शिवकुमार हे राज्याचा गाडा पुढे नेतील. दोन्ही नेत्यांना खूश करत पक्षांतर्गत संघर्ष टाळण्यासाठी काँग्रेसने या फॉर्म्युल्याचा अवलंब करण्याचं निश्चित केल्याची सूत्रांची माहिती आहे. या पार्श्वभूमीवर सिद्धरामय्या हे उद्या १८ मे रोजी कर्नाटकचे मुख्यमंत्री म्हणून शपथ घेतील, अशीही माहिती आहे.

पिचडांना अस्मान दाखवलं, आता विखे-पाटलांचा नंबर; नगरमधील आणखी एका साखर कारखाना निवडणुकीत अजित पवार सक्रिय

दिल्लीत काय घडामोडी घडत आहेत?

सिद्धरामय्या यांनी काल काँग्रेसचे राष्ट्रीय अध्यक्ष मल्लिकार्जुन खरगे यांची भेट घेऊन सविस्तर चर्चा केली. तसंच शिवकुमार यांनीही खरगेंना भेटून मुख्यमंत्रिपदावर दावा सांगितला. खरगे यांच्या भेटीत दोन्ही नेत्यांनी मुख्यमंत्रिपदासाठी आपणच कसे योग्य आहोत आणि आपल्या नेतृत्वात राज्यात काँग्रेस कशी बळकट होणार आहे, हे ठासून सांगितले. पक्षाध्यक्ष मल्लिकार्जुन खरगे यांच्या भेटीनंतर आज सिद्दरामय्या काँग्रेस नेते राहुल गांधी यांची भेट घेण्यासाठी काही वेळापूर्वी रवाना झाले आहेत. सिद्दरामय्या यांची राहुल गांधींसोबत चर्चा झाल्यानंतर शिवकुमारही राहुल यांना भेटणार आहेत. त्यानंतरच मुख्यमंत्रिपदाबाबतच्या नव्या फॉर्म्युल्यावर अंतिम शिक्कामोर्तब होणार आहे. एकीकडे ही घडामोडी सुरू असताना काँग्रेसच्या सर्व नवनिर्वाचित आमदारांची मल्लिकार्जुन खरगे यांच्यासोबत बैठक होईल. या बैठकीत आमदारांचा कल जाणून घेतला जाणार आहे.

डी. के. शिवकुमार आणि सिद्धरामय्यांची बलस्थाने कोणती?

डी. के. शिवकुमार हे काँग्रेसचे संकटमोचक आणि निष्ठावंत नेते म्हणून ओळखले जातात. संघटनेत काम करणारा लढाऊ नेता आणि पक्षाला आर्थिक रसद पुरवणारा मुसद्दी राजकारणी अशी त्यांची ख्याती आहे. केंद्रीय तपास यंत्रणांकडून झालेल्या कारवाईनंतरही ते काँग्रेससोबत ठाम राहिल्याने पक्षाच्या कार्यकर्त्यांनाही ते आपलेसे वाटतात. मात्र दुसऱ्या बाजूला अनुभवी सिद्धरामय्या यांचीही कर्नाटकच्या राजकारणावर घट्ट पकड आहे. पक्षातील बहुसंख्य आमदारांचा त्यांनाच पाठिंबा असून कर्नाटकच्या राजकारणात ते सध्याच्या काळातील सर्वाधिक लोकप्रिय नेते म्हणून ओळखले जातात.

[ad_2]