[ad_1]
( प्रगत भारत । pragatbharat.com)
Petrol-Diesel Rates: देशात आजही पेट्रोल-डिझेलचे दर स्थिर आहेत. आज सकाळी 6 वाजता तेल कंपन्यांनी पेट्रोल-डिझेलचे नवे दर जारी केले आहेत. नव्या दरांनुसार, देशातील महानगरांमध्ये इंधनाच्या दरात कोणताही बदल करण्यात आलेला नाही. तर काही शहरांमध्ये पेट्रोल-डिझेलच्या दरांत किरकोळ बदल झाल्याचं पाहायला मिळत आहे. दुसरीकडे सरकारकडून पेट्रोल आणि डिझेलचे दर कमी करण्याचे संकेत दिले जात आहेत. सरकारनं निर्णय घेतल्यास महागाईनं भरडलेल्या सर्वसामान्यांना मोठा दिलासा मिळू शकतो.
आंतरराष्ट्रीय बाजारात कच्च्या तेलाचा दर प्रति बॅरल 75 डॉलरच्या जवळ पोहोचला आहे. WTI कच्च्या तेलाची किंमत 0.90 टक्क्यांनी घसरून 69.80 डॉलर प्रति बॅरलवर पोहोचली आहे. याशिवाय ब्रेंट क्रूड ऑईल 0.89 टक्क्यांनी वाढून 74.68 डॉलर प्रति बॅरलवर पोहोचलं आहे. जे लवकरच प्रति बॅरल 75 डॉलर्स होऊ शकतं.
मे 2022 पासून राष्ट्रीय बाजारात पेट्रोल-डिझेलच्या दरांत (Petrol-Diesel Prices) कोणताही बदल झालेला नाही. देशाची राजधानी दिल्लीत पेट्रोल 96.72 रुपये आणि डिझेल 89.62 रुपये प्रति लिटर दराने विकले जात आहे. त्याचवेळी देशाची आर्थिक राजधानी मुंबईत पेट्रोल 106.31 रुपये प्रति लिटर आणि डिझेल 94.27 रुपये प्रति लिटर दराने उपलब्ध आहे.
महानगरांतील पेट्रोल-डिझेलचे दर
- मुंबईमध्ये पेट्रोल 106.31 रुपये आणि डिझेल 94.27 रुपये प्रति लिटर
- कोलकातामध्ये पेट्रोल 106.03 रुपये आणि डिझेल 92.76 रुपये प्रति लिटर
- चेन्नईमध्ये पेट्रोल 102.73 रुपये आणि डिझेल 94.33 रुपये प्रति लिटर
देशात मे 2022 नंतर किंमतींमध्ये कोणताही बदल नाही
शेवटच्या वेळी पेट्रोल-डिझेलचे दर मे 2022 मध्ये बदलले होते. त्यानंतर पेट्रोलवर 8 रुपये आणि डिझेलवर 6 रुपये उत्पादन शुल्क कमी करण्यात आलं. त्यामुळे पेट्रोल आणि डिझेलचे दर अनुक्रमे 9.5 आणि 7 रुपयांनी कमी झाले आहेत. जुलै 2022 मध्ये, महाराष्ट्र सरकारनं पेट्रोल आणि डिझेलवरील व्हॅटमध्ये 5 आणि 3 रुपये प्रति लिटर कपात केली होती. त्यानंतर महाराष्ट्रातील दर आणखी घटले होते.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
[ad_2]
