[ad_1]
( प्रगत भारत । pragatbharat.com)
डेली मेलच्या रिपोर्टनुसार, पॉल लिटल नावाच्या व्यक्तीने जानेवारीमध्ये लॉटरीचे तिकीट खरेदी केले होते, परंतु चुकून ते एका दारूच्या दुकानात सोडून ते घरी परतले. त्यानंतर त्याच स्टोअरमध्ये काम करणाऱ्या २३ वर्षीय लिपिक कार्ली न्युन्सने संधी साधून हे तिकीट आपल्या खिशात ठेवले.
Buldhana Accident: मोठी बहीण म्हणाली- अग झोप उद्या खूप कामं आहेत; तनिषाने नेहमीसाठीच डोळे बंद केले
जेव्हा पॉलला लॉटरी ऑफिसमधून कॉल आला आणि त्याला सांगण्यात आले की त्याने ३ मिलिअन डॉरल्स म्हणजेच सुमारे २५ कोटी रुपये जिंकले आहेत, तेव्हा त्याला आश्चर्याचा सुखद धक्का बसला. पण, हे सुख क्षणात मावळले, त्याला लक्षात आलं की ते तिकीट ते दारुच्या दुकानात विसरुन आले आहेत. त्यांनी लगेचच दारूच्या दुकानाकडे धाव घेतली. चौकशी केली असता, कार्लीने तिकीट चोरीच्या प्रकरणी साफ नकार दिला. अखेर निराश झालेले पॉल घरी परतले.
त्यानंतर लॉटरीचे पैसे घेण्यासाठी कार्ली गुपचूप कार्यालयात पोहोचला. त्याने तिकिटावर आपला दावा सांगितला. मात्र, लॉटरी अधिकाऱ्यांना त्याच्यावर संशय आला. तिकीट फाटले होते आणि बाजूने जळालेले देखील दिसत होते. जेव्हा अधिकाऱ्याने त्याला याविषयी विचारले तेव्हा कार्लीने एक कथा तयार करण्यास सुरुवात केली. मात्र, अखेर सत्य समोर आलं.
१.२० मिनिटांनी बहिणीशी फोनवर बोलला, १.२२ वाजता बसला अपघात, भाऊराया गेला; चटका लावणारी कहाणी
तपास केला असता कार्लीची पोलखोल झाली. त्याच्यासोबत त्याच्या एका सहकाऱ्यालाही पकडण्यात आले आहे. दुकानातील सीसीटीव्हीमध्ये तो पॉलचे लॉटरीचे तिकीट खिशात ठेवताना दिसत आहे. सध्या कार्लीविरुद्ध न्यायालयात प्रकरण सुरू आहे. पुढील सुनावणी २८ जुलै रोजी होणार आहे. त्याच्यावर चोरी, फसवणूक, दिशाभूल असे आरोप लावण्यात आले आहेत. सध्या तो जामिनावर बाहेर आहे.
गेल्या आठवड्यात लॉटरीचा खरा विजेता पॉल लिटलला बक्षिसाची रक्कम सुपूर्द करण्यात आली. चेक मिळाल्यानंतर पॉलचा आनंद गगनात मावेनासा झाला. ते म्हणाले की या पैशातून आधी घर दुरुस्त करेन. पैसे मिळूनही मोटार मेकॅनिकचे काम सुरू ठेवणार असल्याचंही त्यांनी सांगितलं.
[ad_2]
