Two Children Seating Near Dead Body Lying On Platform; फलाटावर मृतदेह, त्याशेजारी दोन मुले बसून

[ad_1]

( प्रगत भारत । pragatbharat.com)

लखनऊ: उत्तर प्रदेशच्या मोरादाबादमध्ये एक हृदयद्रावक घटना घडली आहे. मोरादाबाद रेल्वे स्थानकातील फलाट क्रमांक दोनवर एका प्रवाशाचा मृतदेह सापडला. प्रत्यक्षदर्शींनी दिलेल्या माहितीनुसार मृतदेह बुधवारी सकाळी १० वाजल्यापासून फलाटावर होता. रेल्वेचं पथक १२ वाजता पोहोचलं. मृतदेहाजवळ दोन मुलं होती. त्याशिवाय औषधांचे कागद, एक बॅग, खाण्याची पिशवी आणि आधार कार्ड होतं.वडिलांच्या मृतदेहाजवळ बसलेला एक मुलगा दोन वर्षांचा, तर दुसरा मुलगा तीन वर्षांचा आहे. रेल्वेचं पथक मृतदेहाजवळ पोहोचलं, त्यावेळी दोघेही वडिलांच्या शेजारीच बसले होते. आपल्या वडिलांना नेमकं काय झालंय, हे त्यांना समजलं नव्हतं. किंबहुना ते कळायचं त्यांचं वयदेखील नाही. आपले वडील झोपले आहेस असं समजून ते त्यांच्याशेजारी बसून होते. रेल्वे चाईल्ड लाईन आणि महिला हवालदारांना बरेच प्रयत्न केले. मात्र त्या दोघांना आपली नावं सांगता आली नाहीत. ते दोघे एकटक आपल्या वडिलांकडे पाहत होते.

मेट्रोच्या सुपरवायझरनं कुटुंबाला का संपवलं? पत्नीनं पेन्सिलनं लिहिलेल्या नोटनं गूढ उकललं
मृताकडे सापडलेल्या आधार कार्डवर अजमेरी गेट नवी दिल्ली असा पत्ता आहे. सोनू असं मृताचं नाव असून त्याचं वय ४५ वर्षे आहे. जीआरपी आणि रेल्वे चाईल्ड लाईनचं पथक दिल्लीला रवाना झालं आहे. मृताबद्दल आणि त्याच्या मुलाबद्दल अधिक माहिती मिळवण्याचा पोलिसांचा प्रयत्न आहे. मुलांची आरोग्य तपासणी करुन त्यांना रेल्वे चाईल्ड लाईनच्या ताब्यात देण्यात आलं आहे.

मृत सोनूच्या जवळ सापडलेली औषधांची कागदपत्रं पाहून त्याच्या आजाराबद्दल अंदाज लावण्याचा प्रयत्न सुरू आहे. शवविच्छेदन अहवालानंतर मृत्यूचं नेमकं कारण समजू शकेल. दोन्ही मुलं केवळ मम्मी, पप्पा इतके दोनच शब्द तोंडून काढत असल्याचं चाईल्ड लाईनचे समुपदेशक विनीत यांनी सांगितलं. सकाळपासून दोघे हसले किंवा रडलेले नाहीत. त्यांनी काही खाल्लेलंदेखील नाही.
ट्रक बंद पडला, धूर निघू लागला; आतमध्ये तब्बल ५३५ कोटींची रोकड, आसपास गर्दी जमू लागली अन्…
रेल्वे फलाटांवर सीसीटीव्ही कॅमेरे लावण्यात आलेले आहेत. प्रत्येक फलाटावर जीआरपींची गस्त सुरू असते. आरपीएफचे जवानदेखील तैनात असतात. मात्र तरीही फलाटावर मृतदेह कुठून आला, याचं उत्तर कोणाकडेच नाही. मृतदेह सकाळी पाहिल्याचं आसपासच्या स्टॉल चालकांनी सांगितलं. सकाळी आलेल्या ट्रेनमधून सोनू फलाटावर उतरला असावा आणि त्यानंतर त्याचा मृत्यू झाला असावा, असा कयास आहे.

[ad_2]