[ad_1]
( प्रगत भारत । pragatbharat.com)
व्हायरल झालेल्या व्हिडिओमध्ये एक व्यक्ती जमिनीखाली सापडलेली नाणी काढताना दिसत आहे. यावर नेटकरी म्हणत आहेत की त्याला खजिना मिळाला आहे. ही घटना अमेरिकेतील केंटुकीची आहे. या शोधाला ‘ग्रेट केंटुकी होर्ड'(Great Kentucky Hoard) असं नाव देण्यात आलं आहे.
Nyt च्या रिपोर्टनुसार, एक व्यक्ती शेतात काम करत होता. तेव्हा उत्खननादरम्यान त्याला गृहयुद्धाच्या (Civil War) काळातील ७०० हून अधिक नाणी सापडली. ही नाणी जमिनीखाली पुरलेली होती. ही नाणी १८४०-१८६३ या काळातील असल्याचं सांगितलं जात आहे. या नाण्यांना न्युमिस्मॅटिक गॅरंटी कंपनी (एनजीसी) ने प्रमाणित केले आहे.
यूट्यूब चॅनल GovMint वर पोस्ट केलेल्या व्हिडिओमध्ये एक अज्ञात व्यक्ती जमिनीतून नाणी काढताना दिसत आहे. काही नाणी १ डॉलरची होती, काही १० आणि २० डॉलरची होती. यामध्ये अनेक दुर्मिळ लिबर्टी पॅटर्न नाण्यांचाही समावेश आहे. यापैकी जवळपास ९५ टक्के नाणी सोन्याची होती.
लाइव्ह सायन्सच्या मते, काही नाणी अत्यंत दुर्मिळ आहेत. त्यांच्यावर ‘इन गॉड वी ट्रस्ट’ असे लिहिलेले नाही, जे अमेरिकेचे अधिकृत ब्रीदवाक्य आहे. हे बोधवाक्य १८६६ मध्ये गृहयुद्ध संपल्यानंतर सर्व सोने आणि चांदीच्या चलनात जोडले गेले होते. सध्या सापडलेली ही नाणी लिलावासाठी ठेवण्यात आली आहेत. काही नाण्यांची किंमत लाखांमध्ये सांगितली गेली आहे. या नाण्यांवरील चमक अजूनही अबाधित असल्याचं सांगण्यात येत आहे.
[ad_2]