[ad_1]
( प्रगत भारत । pragatbharat.com)
कुटुंबियांनी दिलेल्या माहितीनुसार, शुक्रवारी दुपारी एजाझ कॉलेजच्या कँटिनमध्ये गेला. तेव्हा तिथे आधीपासूनच काही विद्यार्थी बसले होते. त्यांनी एजाझला टोमणे मारण्यास सुरुवात केली. एजाझनं त्यांना विरोध केला. त्यानंतर आरोपी विद्यार्थ्यांनी एजाझला कँटिनच्या बाहेर नेऊन कॉलेज परिसरात बेदम मारलं. विद्यार्थ्यांनी त्याला पळवून पळवून मारलं.
एजाझ रस्त्यावर पडल्यानंतर आरोपींनी त्याला घेरलं आणि बेल्ट, लाथाबुक्क्यांनी मारलं. एजाझ बेशुद्ध पडला. त्याची शुद्ध हरपलेली पाहताच आरोपी विद्यार्थी त्याला तिथेच टाकून पळाले. कॉलेजच्या सुरक्षा रक्षकानं ना एजाझला वाचवलं, ना विद्यार्थ्यांना पडकलं, असा आरोप एजाझच्या कुटुंबियांनी केला. कॉलेज व्यवस्थापनानं एजाझला काशीराम रुग्णालयात दाखल केलं. मुलाची प्रकृती पाहून त्याला हॅलेटला रेफर करण्यात आलं. तिथून एजाझला खासगी रुग्णालयात हलवण्यात आलं. सध्या एजाझ आयसीयूमध्ये दाखल आहे.
एजाझच्या कुटुंबियांनी तक्रार दाखल केल्यानंतर पोलिसांनी आठ विद्यार्थ्यांविरोधात मारहाणीचा गुन्हा दाखल केला. या आठ विद्यार्थ्यांचा शोध सुरू आहे. जखमी झालेला तरुण शुद्धीवर आल्यानंतर त्याचा जबाब नोंदवण्यात येईल, अशी माहिती कानपूर पोलीस आयुक्तालयातील अधिकारी अशोक कुमार सिंह यांनी सांगितलं.
[ad_2]