[ad_1]
( प्रगत भारत । pragatbharat.com)
प्रेमनगर स्टेशन हाउसचे अधिकारी इन्स्पेक्टर पीडी भट्ट यांनी सांगितले की, अशोक सेन हे त्यांच्या पत्नीसह रेस्टॉरंट चालवतात. घटना जेव्हा घडली तेव्हा त्यांची पत्नीही तिथे उपस्थित होती. दोघेही रेस्टॉरंट बंद करण्याच्या तयारीत होते. त्याचवेळी दोन आरोपी कारमधून उतरले. ते रेस्टॉरंटमध्ये शिरले आणि अशोक सेन यांच्यावर चिकनचे तुकडे कमी दिल्यावरून वाद घालू लागले. अशोक यांनी त्यांना शांत होण्यास सांगितले. वाद घालणाऱ्या ग्राहकांना त्यांनी सांगितले आता रेस्टॉरंट बंद झाले आहे. जर त्यांना दिलेला पदार्थ आवडला नसेल तर दुसऱ्या दिवशी सकाळी फुकटमध्ये देण्यात येईल..
पोलिसांनी सांगितले की, अशोक सेन यांची ऑफर ऐकून ते शांत राहण्याऐवजी भडकले. तसेच स्वत:ला हरियाणातील एका मंत्र्याचे नातेवाईक असल्याचे सांगितले. त्यांनी अशोक सेन यांना मारण्यास सुरूवात केली. अचानकपणे त्यांच्यातील एकाने बंदूक काढली आणि अशोक सेन यांच्या पत्नीवर रोखली. त्यांनीही हा वाद थांबविण्याचा प्रयत्न केला. पण आरोपीने फायरिंग करण्यासाठी लोडेड बंदुकीचा ट्रिगर दाबण्याचा प्रयत्न केला. याचवेळी अशोक सेन यांनी आरोपीच्या हाताला धक्का दिला.
अशोक सेन यांनी दिलेल्या धक्क्यामुळे आरोपीचा निशाणा चुकला. हवेत गोळी चालल्याने जोडपं बचावलं. याच दरम्याने गोळीच्या आवाजाने आजुबाजूचे लोक तिथे जमा झाले. लोकांना एकत्र येताना पाहून दोन्ही आरोपींनी तिथून पळ काढला. मात्र जाताना त्यांना जीवे मारण्याची धमकी देऊन गेले. पोलिस अधिकारी पीडी भट्ट यांनी सांगितले की, तक्रारीवर कारवाई करत त्यांनी प्रकरणातील गाडीचा छडा लावला आहे. लवकरच ते आरोपींनाही पकडतील.
[ad_2]
