[ad_1]
( प्रगत भारत । pragatbharat.com)
दिल्लीत नऊ व दहा सप्टेंबर रोजी होणाऱ्या जी-२० शिखर परिषदेची तयारी अंतिम टप्प्यात आली आहे. यासाठी अमेरिकेचे अध्यक्ष जो बायडेन, ब्रिटनचे पंतप्रधान ऋषी सुनक यांच्यासह परिषदेतील सदस्य देशांचे प्रमुख दिल्लीत येणार आहेत. पाहुण्यांसाठी सुरक्षा रक्षकांची कडेकोट सुरक्षा व्यवस्था आहे. मात्र, माकडांमुळे निर्माण होऊ पाहणाऱ्या समस्येला सामोरे जाण्यासाठीही विशेष व्यवस्था करण्यात येत आहे. काळ्या तोंडाच्या या वानरांना माकडे घाबरतात, असे सांगितले जाते. यासाठी हिमाचल प्रदेश, उत्तराखंड, उत्तर प्रदेश या राज्यांतून खास वानरे मागविण्याचीही योजना आहे.
दिल्लीत विशेषतः नवी दिल्लीत मोठ्या संख्येने झाडे आहेत. त्यामुळे माकडांचाही येथे मुक्त संचार असतो. संसदेपासून सर्वत्र ही माकडे टोळ्याटोळ्यांनी मुक्तपणे फिरत असतात. त्यातही सप्टेंबरपासून दिवाळी संपेपर्यंत त्यांचा अनेक भागांत उच्छाद सुरू असतो. रात्री सुनसान होणाऱ्या नवी दिल्लीतील मीनाबाग, साऊथ-नॉर्थ अॅव्हेन्यू, विश्वंभर दास व इतर मार्गांवरील कचराकुंड्यांभोवती वानरांची चित्रे झळकत असतातच. तसेच संसद अधिवेशनादरम्यान अशी वानरे घेऊन फिरणारेही जागोजागी तैनात करण्यात येतात. आगामी जी-२० परिषदेत माकडांचे विघ्न उद्भवू नये यासाठी नवी दिल्ली महापालिकेने नवी शक्कल शोधली आहे. ‘सेना भवन, शास्त्री भवन, ताज पॅलेस हॉटेलसह सरदार पटेल मार्गावर ठिकठिकाणी लंगुरांचे कटआऊट लावण्यात आले आहेत,’ असे एनडीएमसीचे उपाध्यक्ष व भाजप नेते सतीश उपाध्याय यांनी सांगितले.
वाधवान बंधूंना तळोजा कारागृहात VIP ट्रिटमेंट देणं भोवलं; १ उपनिरीक्षकासह ७ पोलीस निलंबित
उच्चस्तरीय बैठकींवर जोर
नायब राज्यपाल व्ही. के. सक्सेना यांनी वन विभाग, सार्वजनिक बांधकाम विभाग, एनडीएमसी, एमसीडी आणि इतर विभागांच्या अधिकाऱ्यांसोबत माकड-प्रबंधन या विषयावर उच्चस्तरीय बैठकही घेतली आहे. या पाहुणे जातील-येतील त्या रस्त्यांवर माकडांनी किमान झुंडीने येऊ नये, या दृष्टीने विशिष्ट ठिकाणांवर जेवणाचीही भोजनाची व्यवस्था करण्याची योजना असल्याचे सांगण्यात आले आहे.
[ad_2]
